O‘zbekiston chet davlatlardagi vaziyatni qunt bilan kuzatib borib, koronavirus infeksiyasi tarqalishining oldini olish bo‘yicha choralar ko‘rmoqda. Respublika maxsus komissiyasining qaroriga muvofiq, Uzbekistan Airways AJ Yaponiyaga jo‘naydigan reyslarni bekor qilishi haqida xabar beradi. Bu holat ushbu davlatda sanitariya-epidemiologik holat yaxshilanguniga qadar davom etadi. Ushbu davlatlar orasidagi aviaqatnovlar 2020-yilda to‘xtatilgan edi.
Shuni ta’kidlash joizki, O‘zbekiston va Yaponiya ko‘p yillar davomida strategik, biznes hamkor hisoblanadi. Uzbekistan Airways AJ uchun ham Tokioga jo‘naydigan reyslar 20 yildan ortiq muddat davomida ustuvor hisoblanib, O‘zbekistondan Yaponiyaga aviaqatnovlar amalga oshirilib borilgan. Aviakompaniya vakillari qilgan harakatlarning sharofati bilan so‘rov oshib borgan mavsumda nafaqat muntazam reyslarni yo‘lga qo‘yish, balki Yaponiyaning turli shaharlariga ham barqaror yo‘lovchilar yuklamasi ta’minlandi. Jumladan, Toshkent, Samarqand hamda Yaponiyaning Narita, Nagoya, Fukusima, Osaka, Senday, Sapporo, Xirosima shaharlari orasidagi parvozlar ta’minlandi.
2015—2019-yillar oralig‘ida O‘zbekiston va Yaponiya orasida 500 dan ortiq reys amalga oshirildi, shuningdek, shu vaqtning o‘zida yo‘lovchilar soni 72 000 nafardan ortiq bo‘ldi. Shu bilan birga, reyslar soni oshib borishi bilan va ularning rentabelligini hisobga olgan holda, Yaponiya bo‘yicha parvozlar hududi ham kengaydi. Bu esa o‘z o‘rnida, mamlakatning shaharlari orasidagi yo‘lovchilar oqimini ko‘paytirish imkonini berdi. Reyslarning qisman tiklanishi 2022-yilning qish-yoz navigatsiya davriga rejalashtirilgan.
O‘zbekiston va Yaponiya orasidagi muntazam aviaqatnovlar mamlakatdagi epidemiologik vaziyat barqaror bo‘lganidan keyin qayta joriy etilishi rejalashtirilgan.
Reklama huquqi asosida.
Izoh (0)