Ўзбекистон чет давлатлардаги вазиятни қунт билан кузатиб бориб, коронавирус инфекцияси тарқалишининг олдини олиш бўйича чоралар кўрмоқда. Республика махсус комиссиясининг қарорига мувофиқ, Uzbekistan Airways АЖ Японияга жўнайдиган рейсларни бекор қилиши ҳақида хабар беради. Бу ҳолат ушбу давлатда санитария-эпидемиологик ҳолат яхшилангунига қадар давом этади. Ушбу давлатлар орасидаги авиақатновлар 2020 йилда тўхтатилган эди.
Шуни таъкидлаш жоизки, Ўзбекистон ва Япония кўп йиллар давомида стратегик, бизнес ҳамкор ҳисобланади. Uzbekistan Airways АЖ учун ҳам Токиога жўнайдиган рейслар 20 йилдан ортиқ муддат давомида устувор ҳисобланиб, Ўзбекистондан Японияга авиақатновлар амалга оширилиб борилган. Авиакомпания вакиллари қилган ҳаракатларнинг шарофати билан сўров ошиб борган мавсумда нафақат мунтазам рейсларни йўлга қўйиш, балки Япониянинг турли шаҳарларига ҳам барқарор йўловчилар юкламаси таъминланди. Жумладан, Тошкент, Самарқанд ҳамда Япониянинг Нарита, Нагоя, Фукусима, Осака, Сендай, Саппоро, Хиросима шаҳарлари орасидаги парвозлар таъминланди.
2015—2019 йиллар оралиғида Ўзбекистон ва Япония орасида 500 дан ортиқ рейс амалга оширилди, шунингдек, шу вақтнинг ўзида йўловчилар сони 72 000 нафардан ортиқ бўлди. Шу билан бирга, рейслар сони ошиб бориши билан ва уларнинг рентабеллигини ҳисобга олган ҳолда, Япония бўйича парвозлар ҳудуди ҳам кенгайди. Бу эса ўз ўрнида, мамлакатнинг шаҳарлари орасидаги йўловчилар оқимини кўпайтириш имконини берди. Рейсларнинг қисман тикланиши 2022 йилнинг қиш-ёз навигация даврига режалаштирилган.
Ўзбекистон ва Япония орасидаги мунтазам авиақатновлар мамлакатдаги эпидемиологик вазият барқарор бўлганидан кейин қайта жорий этилиши режалаштирилган.
Реклама ҳуқуқи асосида.
Изоҳ (0)