Elektrovelosipedlarni ishlab chiqarish bilan shug‘ullanuvchi ADO kompaniyasi takomillashtirilgan elektrodvigatel, shuningdek, sig‘imi 10,4 A/soatli akkumulyator batareyasiga ega ADO A20 modelini taqdim etdi, deb xabar beradi IXBT.
ADO A20 velosipedi uchta rejimda ishlaydi va bir marta quvvatlanish orqali 80 kilometrga yaqin yo‘l bosa oladi. Dastlabki bosqichda uni 769 dollarga xarid qilish mumkin, biroq keyin uning narxi 1200 dollarga ko‘tariladi.
Elektrodvigatel quvvati 350 vattga qadar oshirilgan bo‘lib, buning yordamida ADO A20 maksimal tezligini soatiga 35 kilometrga yetkaza oladi. Velosiped 7 pog‘onali, sifatli Shimano “treshotka”si, telefonni qotirishga mo‘ljallangan qurilma, havo nasosi, amortizatorga ega old “vilka”, shuningdek, rul qismida suyuq kristall rul bilan jihozlangan.
ADO A20 elektrovelosipediga yuqori samaradorlikka ega yechiluvchan akkumulyator o‘rnatilgan. Uni ikki usulda quvvatlantirish mumkin: Tezkor quvvatlanish uni 4—6 soatda to‘ldirishga imkon beradi. Velosiped “rama”sini tayyorlashda uglerod po‘latdan 40 foizga yengilroq alyuminiy qotishmasidan foydalanilgan.
ADO kompaniyasi savdolardan keyingi xizmat ko‘rsatish sifati bilan ham tanilgan, u kafolat doirasida ishdan chiqqan ehtiyot qismlarni bepul almashtirib beradi. ADO A20’ning asosiy ehtiyot qismlariga 12 oylik, asosiy “rama”siga esa 5 yillik kafolat mavjud. Ishlab chiqaruvchining Buyuk Britaniya, Germaniya va Polshada xizmat ko‘rsatish markazlari bor.
Avvalroq Kaliforniyada Superstrata startapi 3D-printer yordamida chop etilgan Ion nomli elektrovelosipedini taqdim etgandi.
Izoh (0)