Электровелосипедларни ишлаб чиқариш билан шуғулланувчи ADO компанияси такомиллаштирилган электродвигатель, шунингдек, сиғими 10,4 А/соатли аккумулятор батареясига эга ADO A20 моделини тақдим этди, деб хабар беради IXBT.
ADO A20 велосипеди учта режимда ишлайди ва бир марта қувватланиш орқали 80 километрга яқин йўл боса олади. Дастлабки босқичда уни 769 долларга харид қилиш мумкин, бироқ кейин унинг нархи 1200 долларга кўтарилади.
Электродвигатель қуввати 350 ваттга қадар оширилган бўлиб, бунинг ёрдамида ADO A20 максимал тезлигини соатига 35 километрга етказа олади. Велосипед 7 поғонали, сифатли Shimano «трешотка»си, телефонни қотиришга мўлжалланган қурилма, ҳаво насоси, амортизаторга эга олд «вилка», шунингдек, руль қисмида суюқ кристалл руль билан жиҳозланган.
ADO A20 электровелосипедига юқори самарадорликка эга ечилувчан аккумулятор ўрнатилган. Уни икки усулда қувватлантириш мумкин: Тезкор қувватланиш уни 4—6 соатда тўлдиришга имкон беради. Велосипед «рама»сини тайёрлашда углерод пўлатдан 40 фоизга енгилроқ алюминий қотишмасидан фойдаланилган.
ADO компанияси савдолардан кейинги хизмат кўрсатиш сифати билан ҳам танилган, у кафолат доирасида ишдан чиққан эҳтиёт қисмларни бепул алмаштириб беради. ADO A20’нинг асосий эҳтиёт қисмларига 12 ойлик, асосий «рама»сига эса 5 йиллик кафолат мавжуд. Ишлаб чиқарувчининг Буюк Британия, Германия ва Польшада хизмат кўрсатиш марказлари бор.
Аввалроқ Калифорнияда Superstrata стартапи 3D-принтер ёрдамида чоп этилган Ион номли электровелосипедини тақдим этганди.
Изоҳ (0)