Bugun,

  • USD 11095.31
  • RUB 173.84
  • EUR 10772.44

Citroen kompaniyasi ixcham Ami kvadratsiklining tijoriy versiyasiga aylangan My Ami Cargo elektrokarini taqdim etdi. Sakkiz ot kuchiga ega dvigatel o‘rnatilgan mazkur furgoncha narxi 6490 dollardan boshlanadi. Bu pulga hamyonbop Lada Granta xarid qilish mumkin, deb xabar beradi Motor.

Foto: Citroen

Foto: Citroen

Yuk va yo‘lovchilarni tashishga mo‘ljallangan Citroen Ami furgonini qayta ishlash jarayonida uning bitta o‘rindig‘i olib tashlanib, o‘rnini 260 litrlik plastik boks sig‘adigan ikki pog‘onali pol egallagan. Ishchi yuza vazifasini bajaruvchi yechiladigan qopqog‘i 40 kilogrammgacha yukni ko‘tarishga qodir.

Foto: Citroen

Foto: Citroen

Shuningdek, elektrokarning orqa qismida yana bir bo‘lmacha mavjud, My Ami Cargo’ga uzunligi 1,2 metrgacha, hajmi esa 400 litrgacha yukni joylashtirish mumkin. Hamyonbop furgondan, shuningdek, turli cho‘ntaklar, to‘rlar, yukxona uchun kamarlar o‘rin olgan. My Ami Cargo’ning xavfsizlik yostiqchasi yo‘q, biroq maksimal tezligi ham yuqori emas — soatiga 45 kilometr.

Foto: Citroen

Foto: Citroen

Avtomobil sakkiz ot kuchiga ega elektromotor bilan jihozlangan. Sig‘imi 5,5 kilovatt/soatga teng akkumulyator yordamida bir marta quvvatlanish orqali 75 kilometr yo‘l bosa oladi. Maishiy elektr tarmog‘i yordamida uni 3 soatda to‘liq quvvatlantirish mumkin.

Citroen’ning ma’lum qilishicha, ixcham furgondan pandemiya sharoitida turli yetkazib berish xizmatlarida foydalanish mumkin. Velosipedlardan farqli o‘laroq u yomg‘irdan himoyalangan va zarurat tug‘ilgan sovuq havoda isitish tizimiga ham ega.

Foto: Citroen

Foto: Citroen

Citroen My Ami Cargo Fransiya bozorida 2021-yilning iyunidan sotuvga chiqadi. Uni birdaniga xarid qilish yoki uzoq muddatga ijaraga olish mumkin.

Avvalroq Rossiyada mitti Heinkel Tur 154 avtomobili yangi Tracker narxida sotuvga qo‘yilgani, Hyundai o‘zining eng kichkina elektrokarini namoyish etgani to‘g‘risida xabar berilgandi.

Izoh
Asosiy yangiliklar
Dunyo
“Ekologik ofat”: Kaxovka GES portlashining beshta dahshatli oqibati
Kino
“Odamlarga insoniyatni qirib yuboruvchi kometadan qaysidir mashhur xonandaning ishqiy munosabati qiziqroq…” — “Tepaga qaramang” filmi haqida
Dunyo
Shimoliy Koreyada o‘z joniga qasd qiluvchilar soni ko‘paymoqda