“Vilyarreal” Yevropa Ligasi yarim finalida “Arsenal”ni ikkita o‘yin natijasiga (2:1, 0:0) ko‘ra musobaqadan chiqarib yubordi.
Ispan klubi bosh murabbiyi Unai Emeri beshinchi marta Yevropa Ligasi finalida o‘ynaydi. U bitta Yevrokubok musobaqasida besh marta finalga chiqqan ilk murabbiy bo‘ldi.
Bunga qadar ispaniyalik mutaxassis “Sevilya” bilan uch marta va “Arsenal” bilan bir bor ushbu ko‘rsatkichni qayd etgandi.
Shu vaqtga qadar Aleks Fergyuson, Karlo Anchelotti, Marchello Lippi va Migel Munyos bitta Yevrokubok musobaqasida (barchasi Chempionlar Ligasida) to‘rt martadan finalda qatnashgandi.
“Manchester Yunayted” va “Vilyarreal” jamoalari o‘rtasidagi final bahsi 26-may kuni bo‘lib o‘tadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)