Futbol bo‘yicha Yevropa Ligasining 1/2 final javob o‘yinidan o‘rin olgan ikki uchrashuv 6-may, payshanba kuni bo‘lib o‘tdi.
“Manchester Yunayted” “Roma” maydoniga safar qildi va 3:2 hisobida mag‘lubiyatga uchradi. Dastlab Edinson Kavani qator hujumlardan keyin 39-daqiqada hisobni ochishga muvaffaq bo‘ldi. Rimliklar bunga Edin Jeko va Brayan Kristantening gollari bilan javob qaytargandi. Ammo 68-daqiqada urugvaylik hujumchi muvozanatni tikladi, bu uning o‘yindagi ikkinchi goli edi. E’tiborlisi, Kavani dastlabki bahsda ham dublga erishgandi. 83-daqiqada Nikola Zalevski jamoasining uchinchi, o‘yindagi so‘nggi golni urib, bellashuvga yakuniy nuqtani qo‘ydi. Manchester klubi mag‘lubiyatga qaramay, dastlabki bahsdagi g‘alaba (6:2) evaziga Yevropa Ligasi finaliga yo‘l oldi.
“Arsenal” Londonda “Vilyarreal”ni qabul qildi. Uchrashuv 0:0 hisobidagi nursiz durang bilan yakunlandi. Shu tariqa ispan klubi ham o‘z maydonida kechgan o‘yindagi g‘alaba natijasida musobaqaning hal qiluvchi bosqichiga yo‘l oldi. Final o‘yini 26-may sanasiga belgilangan.
Yevropa Ligasi
1/2 final, javob bahslari
6-may, payshanba
“Roma” Italiya — “Manchester Yunayted” Angliya 3:2
Gollar: 0:1 – 39 Kavani, 1:1 – 57 Jeko, 2:1 – 60 Kristante, 2:2 – 68 Kavani, 3:2 – 83 Zalevski.“Roma”: Mirante, Karsdorp, Bruno Peres (Santon, 69), Smolling (Darbo, 30), Manchini, Pellegrini, Kristante, Pedro (Zalevski, 76), Mxitaryan, Rojer, Jeko (Mayoral, 76).
“Manchester Yunayted”: De Xea, Uan-Bissaka (Uilyams, 46), Bayi, Maguayr, Shou (Telles, 46), Fred, Brunu Fernandesh (Mata, 84), van de Bek, Pogba (Matich, 64), Kavani (Reshford, 73), Grinvud.
Ogohlantirishlar: Uan-Bissaka (18), Fred (58), Karsdorp (72), Kavani (72), Kristante (84), Uilyams (90+2).
“Arsenal” Angliya — “Vilyarreal” Ispaniya 0:0
“Arsenal”: Leno, Belyerin (Nketia, 90), Mari, Holding, Tirni (Villian, 80), Parti, Saka, Edegor (Martinelli, 66), Smit-Rou, Pepe, Obameyang (Lyakazett, 80).“Vilyarreal”: Ruli, Mario Gaspar, Albiol, Pau Torres, Pedrasa (Alberto Moreno, 90), Parexo, Koklen, Trigeros, Chukvueze (Pino, 30; Moyses Gomes, 90), Pako Alkaser (Bakka, 72), Xerard Moreno.
Ogohlantirishlar: Pino (87), Nketia (90+2).
Izoh (0)