Professional boksning yarim o‘rta (-66,68 kg) vazn toifasida ringga chiqayotgan Qudratillo Abduqahhorov (18-0, 10 KO) navbatdagi jangini 2021-yilning 19-iyunida o‘tkazadi.
O‘zbekistonlik bokschiga argentinalik Sezar Migel Barrionuevo (35-4, 25 KO) raqib bo‘ladi. Jang AQShda bo‘lib o‘tadi.
Barrionuevo so‘nggi jangini 2019-yilda Xuan Lensinaga qarshi o‘tkazgan va nokaut bilan g‘alaba qozongan.
Abduqahhorov esa 2021-yilning martida Puerto-Riko vakili Xaviyer Floresni muddatidan avval taslim etgandi. Navbatdagi jang Qudratillo uchun prof boksdagi 19-jang bo‘ladi, sportchi shu vaqtga qadar mag‘lubiyat nimaligini bilmay kelmoqda.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)