“Real” yozgi transfer oynasida Eden Azarni sotishni xohlamoqda, deya xabar qilmoqda El Chiringuito.
Jurnalist Xosep Pedrerolga ko‘ra, madridliklar klubining asosiy maqsadi — Kilian Mbappeni sotib olish. Klub Azarni transferga qo‘ygan. Jamoa belgiyalik futbolchi borasidagi takliflarni ko‘rib chiqishga tayyor.
Azar Chempionlar Ligasi yarim final javob bahsi doirasida “Chelsi”ga qarshi kechgan o‘yindan (0:2) keyin sobiq jamoadoshlari bilan quvnoq ohangda suhbatlashgan. Bu ko‘plab “Real” muxlislarining noroziligiga sabab bo‘lmoqda.
Azar “Real”ga 2019-yilning yozida 100 million yevrodan ortiq mablag‘ evaziga olib kelingandi. Joriy mavsum u barcha musobaqalar doirasida “Real”ning 18 o‘yinida ishtirok etdi va uchta gol urdi.
Avvalroq “Real”ning yozgi transfer oynasidagi asosiy maqsadi “PSJ” forvardi Kilian Mbappeni sotib olish ekani xabar qilingandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)