Футбол бўйича Европа Лигасининг 1/2 финал жавоб ўйинидан ўрин олган икки учрашув 6 май, пайшанба куни бўлиб ўтди.
«Манчестер Юнайтед» «Рома» майдонига сафар қилди ва 3:2 ҳисобида мағлубиятга учради. Дастлаб Эдинсон Кавани қатор ҳужумлардан кейин 39-дақиқада ҳисобни очишга муваффақ бўлди. Римликлар бунга Эдин Жеко ва Брайан Кристантенинг голлари билан жавоб қайтарганди. Аммо 68-дақиқада уругвайлик ҳужумчи мувозанатни тиклади, бу унинг ўйиндаги иккинчи голи эди. Эътиборлиси, Кавани дастлабки баҳсда ҳам дублга эришганди. 83-дақиқада Никола Залевски жамоасининг учинчи, ўйиндаги сўнгги голни уриб, беллашувга якуний нуқтани қўйди. Манчестер клуби мағлубиятга қарамай, дастлабки баҳсдаги ғалаба (6:2) эвазига Европа Лигаси финалига йўл олди.
«Арсенал» Лондонда «Вильярреал»ни қабул қилди. Учрашув 0:0 ҳисобидаги нурсиз дуранг билан якунланди. Шу тариқа испан клуби ҳам ўз майдонида кечган ўйиндаги ғалаба натижасида мусобақанинг ҳал қилувчи босқичига йўл олди. Финал ўйини 26 май санасига белгиланган.
Европа Лигаси
1/2 финал, жавоб баҳслари
6 май, пайшанба
«Рома» Италия — «Манчестер Юнайтед» Англия 3:2
Голлар: 0:1 – 39 Кавани, 1:1 – 57 Жеко, 2:1 – 60 Кристанте, 2:2 – 68 Кавани, 3:2 – 83 Залевски.«Рома»: Миранте, Карсдорп, Бруно Перес (Сантон, 69), Смоллинг (Дарбо, 30), Манчини, Пеллегрини, Кристанте, Педро (Залевски, 76), Мхитарян, Рожер, Жеко (Майораль, 76).
«Манчестер Юнайтед»: Де Хеа, Уан-Биссака (Уильямс, 46), Байи, Магуайр, Шоу (Теллес, 46), Фред, Бруну Фернандеш (Мата, 84), ван де Бек, Погба (Матич, 64), Кавани (Рэшфорд, 73), Гринвуд.
Огоҳлантиришлар: Уан-Биссака (18), Фред (58), Карсдорп (72), Кавани (72), Кристанте (84), Уильямс (90+2).
«Арсенал» Англия — «Вильярреал» Испания 0:0
«Арсенал»: Лено, Бельерин (Нкетиа, 90), Мари, Ҳолдинг, Тирни (Виллиан, 80), Парти, Сака, Эдегор (Мартинелли, 66), Смит-Роу, Пепе, Обамеянг (Ляказетт, 80).«Вильярреал»: Рули, Марио Гаспар, Альбиоль, Пау Торрес, Педраса (Альберто Морено, 90), Парехо, Коклен, Тригерос, Чуквуэзе (Пино, 30; Мойсес Гомес, 90), Пако Алькасер (Бакка, 72), Херард Морено.
Огоҳлантиришлар: Пино (87), Нкетиа (90+2).
Изоҳ (0)