O‘zbekiston Respublikasi bosh prokurori buyrug‘i bilan Abdullayev To‘lqinjon Abdullayevich Bosh prokuratura huzuridagi Majburiy ijro byurosining Farg‘ona viloyat boshqarmasi boshlig‘i lavozimiga tayinlandi. Bu haqda “Daryo”ga MIB viloyat boshqarmasi ma’lum qildi.
To‘lqinjon Abdullayev 1977-yil Farg‘ona viloyatida tug‘ilgan bo‘lib, prokuratura organlaridagi faoliyatini 2002-yil Bosh prokuratura huzuridagi departamentning Farg‘ona viloyati boshqarmasida boshlagan. 2017—2020-yillarda Majburiy ijro byurosining Marg‘ilon shahar bo‘limiga rahbarlik qilgan.
Mazkur tayinlovga qadar u byuro markaziy apparatida Ichki xavfsizlikni ta’minlash inspeksiyasi bosh inspektori lavozimida faoliyat yuritgan.
Izoh (0)