Chet tili o‘qituvchilarining 90 foizi ingliz tiliga ixtisoslashgan bo‘lib, sharq tillari (xitoy, koreys, turk, arab, fors) poytaxtdan boshqa hududlarda deyarli o‘qitilmaydi. Bu haqda Prezident Shavkat Mirziyoyev raisligida o‘tkazilgan yig‘ilishda so‘z yuritildi, deya xabar bermoqda “Daryo” muxbiri.
“Chet tillarini o‘qitishda nodavlat ta’lim muassasalari va Britaniya kengashi, Gyote instituti, Fransuz alyansi, KOIKA, JAYKA, Konfutsiy instituti kabi xorijiy sheriklar bilan hamkorlikni yanada kuchaytirish zarur.
Misol uchun, chet tili o‘qituvchilarining 90 foizi (46 ming nafar) ingliz tiliga ixtisoslashgan bo‘lib, sharq tillari (xitoy, koreys, turk, arab, fors) poytaxtdan boshqa hududlarda deyarli o‘qitilmaydi. Shu bois tashqi ishlar vaziri o‘rinbosari Farhod Arziyev elchilarimiz bilan birga, o‘zlari biriktirilgan viloyatlarda kamida 2-3 tadan chet tilini o‘rgatish markazini tashkil etishga hamda ularga o‘zlari ishlayotgan davlatlardan malakali o‘qituvchi va volontyorlarni jalb qilishga mas’ul bo‘ladilar.
Arziyev ikki oy muddatda Birlashgan Millatlar Tashkiloti bo‘linmalari bilan birga, Jahon iqtisodiyoti va diplomatiya universitetida turli soha mutaxassislariga Chet tillarini chuqur o‘rgatish markazini tashkil etadi. Bu bizda bir paytlar bor edi, tajribamiz ham yetarli. Ammo keyinchalik yo‘q bo‘lib ketdi. Endi zamonaviy markaz faoliyatini yo‘lga qo‘yamiz”, – dedi davlat rahbari.
Mavzuga doir:
- Shavkat Mirziyoyev: “Ta’lim muassasalari bitiruvchilari kamida 2 ta chet tilini mukammal bilishi shart”
- “Ta’lim tizimida 2 mingdan ortiq chet tili o‘qituvchilari lavozimi vakant bo‘lib qolmoqda” — Shavkat Mirziyoyev
- “Chet tillari bo‘yicha yuqori ko‘rsatkichlarga erishgan maktablar uchun Prezident sovrini ta’sis etiladi” — Shavkat Mirziyoyev
- “2022-yildan ishga qabul qilinayotgan chet tili o‘qituvchilaridan milliy va xalqaro sertifikatga ega bo‘lish talab qilinadi” — Shavkat Mirziyoyev
Izoh (0)