Ўзбекистонда тўлиқ чет тилларида эфирга узатиладиган янги теле ва радиоканаллар ишга туширилади. Бу ҳақда Шавкат Мирзиёев раислигида ўтказилган чет тилларини янада ривожлантиришга бағишланган видеоселектор йиғилишида маълум қилинди, дея хабар қилмоқда «Дарё» мухбири.
«Масъул ташкилот раҳбарлари йил якунига қадар хусусий сектор билан ҳамкорликда тилни ўргатувчи интерактив материалларнинг интернет-платформаси ва мобил иловаларини яратиб, мактаб ва боғчаларда оммабоп видеодарслардан кенг фойдаланишни йўлга қўйсин.
Кенг аҳоли қатламининг нутқ ва мулоқотини ривожлантиришга қаратилган чет тилларидаги мультфильм, ҳужжатли ва бадиий фильмларни ҳамда эшиттиришларни кўпайтирсин. Бунга таниқли маданият ва санъат вакиллари, спортчи ва блогерларни фаол жалб қилиш зарур.
Шунингдек, Алишер Ходжаев уч ой муддатда кўрсатув ва эшиттиришлар 24 соат давомида тўлиқ чет тилларида эфирга узатиладиган янги теле ва радиоканалларни ишга туширсин. Бунда, ҳар куни камида 3 соатлик дастур хорижий тилларни онлайн ўргатишга ажратилади.
Умаров, Содиқов икки ой муддатда хорижий мутахассисларни жалб қилган ҳолда жойлардаги 128 та IT-марказларда ёшларни чет тилларига онлайн ўргатиш курсларини йўлга қўйсин. Бунда, тил ўрганиш харажатларининг бир қисми Ёшлар жамғармаси ҳисобидан қоплаб берилади», – деди Шавкат Мирзиёев.
Йиғилишга оид бошқа хабарлар:
- «Олийгоҳлардаги 78 фоиз профессор-ўқитувчиларнинг чет тилини билиш даражаси қониқарсиз аҳволда» — Шавкат Мирзиёев
- «Мактаб ўқитувчиларига янги адабиёт ва қўлланмаларни сотиб олиш учун бюджетдан 1 миллион сўмдан маблағ ажратилади» – Шавкат Мирзиёев
- Шавкат Мирзиёев Ўзбекистондаги қишлоқларда нодавлат ўқув марказларини ривожлантиришга катта эътибор қаратилишини айтди
- Шавкат Мирзиёев ЖИДУда БМТ билан ҳамкорликда Чет тилларини чуқур ўргатиш маркази ташкил этилишини маълум қилди
- Ўзбекистондаги таълим масканларига хорижлик ўқитувчилар жалб қилинади
- «2022 йилдан ишга қабул қилинаётган чет тили ўқитувчиларидан миллий ва халқаро сертификатга эга бўлиш талаб қилинади» — Шавкат Мирзиёев
- «Чет тиллари бўйича юқори кўрсаткичларга эришган мактаблар учун Президент соврини таъсис этилади» — Шавкат Мирзиёев
- «Таълим тизимида 2 мингдан ортиқ чет тили ўқитувчилари лавозими вакант бўлиб қолмоқда» — Шавкат Мирзиёев
- Шавкат Мирзиёев: «Таълим муассасалари битирувчилари камида 2 та чет тилини мукаммал билиши шарт»
- Ўзбекистонда Хорижий тилларни ўрганишни оммалаштириш агентлиги ташкил этилади
Изоҳ (0)