Angliya chempionatida ramazon vaqtida musulmon futbolchilar iftorlik vaqtida og‘zini ochib olishi uchun tanaffus joriy qilinishi mumkin. APL liganing barcha hakamlaridan bu masalani muhokama qilib olishga chaqirdi, deya xabar qilmoqda Sky Sports.
“Lester” va “Kristal Pelas” o‘rtasida bo‘lib o‘tgan 26-aprel kungi o‘yin futbolchilar Uesli Fofana va Shayh Kuyate iftorlik qilib olishi uchun bosh hakam Grem Skott tomonidan ma’lum muddatga to‘xtatib turildi.
APL qoidalariga ko‘ra, har ikki jamoa sardorlari o‘yindan avval o‘zaro kelishib oladigan bo‘lsa uchrashuvda kichik tanaffus olishga ruxsat etilgan.
Biroq Premyer Liga ramazon oyida iftorlik vaqti kelganda o‘yinni biroz to‘xtatib turish va musulmon futbolchilarga og‘izni ochib olish imkoniyatini yaratishni qoidalar qatoriga kiritmoqchi. Ya’ni har bir o‘yindan avval hakamlar futbolchilar orasida ro‘za tutganlar bor yoki yo‘qligini so‘raydi va shunga qarab o‘yin vaqtida kichik tanaffus e’lon qilish masalasiga oydinlik kiritadi.
Bu qoida Premyer Liga 34-turi doirasida 30-aprel kuni kechadigan “Sauthempton” va “Lester” o‘rtasidagi uchrashuvdan boshlab amalga kiritilishi kutilmoqda.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)