Futbol bo‘yicha Yevropa Ligasining 1/2 final dastlabki bahsidan o‘rin olgan ikki o‘yin 29-aprel, payshanba kuni bo‘lib o‘tdi.
“Manchester Yunayted” o‘z maydonida “Roma” bilan bahs yuritdi va 6:2 hisobida g‘alaba qozondi. “Qizil iblislar” safida Edinson Kavani va Brunu Fernandesh dublga erishgan bo‘lsa, Pol Pogba va Meyson Grinvud o‘z nomiga bittadan gol yozdirib qo‘ydi. Rimliklarning gollariga esa Lorenso Pellegrini va Edin Jeko mualliflik qildi.
“Arsenal” Ispaniyada “Vilyarreal” mehmoni bo‘ldi. Bellashuv mezbonlarning g‘alabasi bilan yakunlandi. Manuel Trigeros va Raul Albiolning dastlabki bo‘limdagi gollariga “Arsenal” Nikolya Pepening 11 metrlik jarima zarbasidan kiritgan to‘pi bilan javob qaytardi.
Yarim finalning javob bahslari 6-may sanasiga belgilangan.
Yevropa Ligasi
1/2 final, dastlabki bahslar
29-aprel, payshanba
“Manchester Yunayted” Angliya – “Roma” Italiya 6:2
Gollar: 1:0 – 9 Brunu Fernandesh, 1:1 – 15, penalti Pellegrini, 1:2 – 33 Jeko, 2:2 – 48 Kavani, 3:2 – 64 Kavani, 4:2 – 71, penalti Brunu Fernandesh, 5:2 – 75 Pogba, 6:2 – 86 Grinvud.“Manchester Yunayted”: de Xea, Lindelyof, Shou, Maguayr, Uan-Bissaka, Fred (Matich, 83), Pogba, Maktomini, Brunu Fernandesh (Mata, 89), Kavani, Reshford (Grinvud, 76).
“Roma”: Lopes (Mirante, 28), Karsdorp, Smolling, Rojer, Spinatssola (Bruno Peres, 37), Veretu (Vilyar, 5), Kristante, Mxitaryan, Diavara, Pellegrini, Jeko.
Ogohlantirishlar: Vilyar (50), Pogba (51), Smolling (61).
“Vilyarreal” Ispaniya – “Arsenal” Angliya 2:1
Gollar: 1:0 – 5 Trigeros, 2:0 – 29 Albiol, 2:1 – 73, penalti Pepe.“Vilyarreal”: Ruli, Foyt (Mario Gaspar, 70), Albiol, Pau Torres, Pedrasa (Alberto Moreno, 80), Parexo, Kapu, Trigeros (Moyses Gomes, 81), Chukvueze, Moreno, Pako Alkaser (Koklen, 46).
“Arsenal”: Leno, Chembers, Mari, Holding, Smit-Rou (en-Nenni, 90), Parti, Edegor (Martinelli, 63), Jaka, Pepe (Villian, 90), Sebalyos, Saka (Obameyang, 85).
Ogohlantirishlar: Pau Torres (37), Sebalyos (44), Parti (57), Kapu (67), Obameyang (90).
Chetlatishlar: Sebalyos (57), Kapu (80).
Izoh (0)