“Manchester Yunayted” Yevropa Ligasi yarim final dastlabki bahsi doirasida 29-aprel kuni “Roma”ga qarshi kechgan o‘yinda g‘alaba qozondi (6:2).
Uchrashuvda 6:2 hisobi qayd etildi. Inglizlar safida Brunu Fernandesh va Edinson Kavani dubl qayd etgan bo‘lsa, Pol Pogba hamda Meyson Grinvud bittadan to‘p kiritishga erishdi. Rimliklarning javob gollariga Lorenso Pellegrini va Edin Jeko muallif bo‘ldi.
Gracenote’ning xabar qilishicha, “Manchester Yunayted” Yevrokuboklar yarim finallarida oltita gol urgan so‘nggi 57 yil ichidagi ilk jamoaga aylandi. Shuningdek, bu Chempionlar Ligasi davridagi rekord natija bo‘ldi. 1963/64-yilgi mavsumda “Real” Chempionlar Kubogi yarim finalida “Syurix”ga oltita gol urgandi (6:0).
Ole-Gunnar Sulsher qo‘l ostidagi jamoa so‘nggi 7 o‘yinni oltitasida g‘alabaga erishdi va bitta durang qayd etdi. Shuningdek, jamoa so‘nggi 22 ta o‘yinda faqat bir bor mag‘lubiyatga uchradi (13 g‘alaba, 8 durang).
“Roma” va “Manchester Yunayted” jamoalari o‘rtasidagi javob o‘yini 6-may kuni Rimda bo‘lib o‘tadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)