Osiyo Chempionlar Ligasining 6-turida “Sharja” 29-aprel, payshanba kuni “Traktor”ga qarshi bahs olib bordi.
Uchrashuv Eron klubining g‘alabasi bilan yakunlandi. 7-daqiqada Muhammad Abboszoda hisobni ochdi. 66-daqiqaga kelib esa Abboszodaning o‘zi dublni rasmiylashtirgan holda jamoasining ishonchli g‘alabasini ta’minladi.
Qayd etish joiz, mazkur uchrashuv “Sharja” uchun ahamiyatsiz edi, boisi jamoa 5-turda keyingi bosqich masalasini hal etib bo‘lgandi. BAA klubi safida to‘p suradigan Otabek Shukurov mazkur bahsda 56-daqiqada zaxiraga olindi.
Guruh bosqichi yakunlariga ko‘ra “Paxtakor” o‘rin olgan B guruhidan keyingi bosqichga BAAning “Sharja” (11) va Eronning “Traktor” (10) klublari yo‘l oldi. Toshkent klubi esa 7 ochko bilan 3-o‘rinni egalladi.
OChL
6-tur bahsi
29-aprel, payshanba
Izoh (0)