“Barselona” bosh murabbiyi Ronald Kuman La Liga 33-turi doirasida 29-aprel kuni “Granada”ga qarshi kechgan bahsda (1:2) qizil kartochka oldi.
Mehmonlarning birinchi golidan keyin Kuman to‘rtinchi hakamga hurmatsizlik ko‘rsatgani uchun to‘g‘ridan-to‘g‘ri qizil kartochkaga loyiq ko‘rilgan.
Sobiq hakam Eduardo Iturralde Gonsalesning ma’lum qilishicha, joriy mavsumda to‘g‘ridan-to‘g‘ri qizil kartochka olgan murabbiylar kamida ikkita o‘yinga chetlatilmoqda.
Agar shunday bo‘ladigan bo‘lsa, Kuman “Valensiya” (2-may) va “Atletiko M”ga (8-may) qarshi bahslarda ishtirok eta olmaydi. Kuman o‘yinlarni tribunadan kuzatishi va o‘yin davomida yordamchilari bilan aloqada bo‘lishi mumkin.
Mutaxassisning o‘zi ushbu vaziyatga izoh berar ekan, zaxira hakamini haqorat qilmaganini aytmoqda.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)