Osiyo Chempionlar Ligasi guruh bosqichi 6-turi doirasida bo‘lib o‘tadigan “Istiqlol” — OKMK bellashuvidan avval matbuot anjumani o‘tkazildi. Unda Olmaliq klubi bosh murabbiyi Mirjalol Qosimov va yarim himoyachi Sanjar Tursunov ishtirok etdi.
Biz uchun imkoniyatlar tugagan. Lekin musobaqani chiroyli tarzda yakunlab qo‘yishimiz kerak. OChLdagi oxirgi o‘yinda muxlislarga chiroyli o‘yin taqdim etib, g‘alaba uchun kurashamiz. OKMK muxlislar va jamoa g‘ururi uchun ham o‘ynaydi. OChL tugayotgani bilan hayot davom etadi. Bizni ichki chempionatda ham hali uzoq mavsum kutmoqda. Biz ertangi bahsga jiddiy tayyorgarlik ko‘ryapmiz. Ikkala jamoada ikki xil vaziyat. “Istiqlol” bilan o‘yin qiziqarli bo‘ladi.Shuningdek, Sanjar Tursunov ham o‘yin haqidagi fikrlari bilan o‘rtoqlashdi.Jamoa oxirgi turda himoyaviy o‘yini ko‘rsatmasligi va barchaga imkoniyat berilishi haqida
Biz himoyaviy uslubda o‘ynamaymiz. Yo‘qotadigan narsamiz yo‘q. Ertaga “Istiqlol”ning tartibli himoyasini yorib o‘tishga intilamiz. “Istiqlol”ning himoyasi nafaqat biz uchun, balki “Shabob al-Ahli” va “Al-Hilol”ga ham katta muammo bo‘ldi. Ikkinchi savolga keladigan bo‘lsam, albatta, bizda hammaga imkoniyatlar beriladi. O‘tgan o‘yinlarda ham imkoniyatlar berildi.
Mirjalol Qosimov, OKMK bosh murabbiyi
Biz bo‘lajak o‘yinga 1-tur uchrashuviga qanday tayyorgarlik ko‘rgan bo‘lsak, xuddi shu munosabatda taraddud ko‘ryapmiz. Ertaga bizdan murabbiylar va muxlislar faqat g‘alaba kutishadi va biz har doimgidek g‘olib bo‘lish uchun harakat qilamiz.Eslatib o‘tamiz, jamoalarning birinchi davra doirasida o‘tkazilgan o‘yinida 3:2 hisobida Tojikiston klubining qo‘li baland kelgandi. “Istiqlol” — OKMK uchrashuvi 30-aprel kuni Toshkent vaqti bilan soat 00:00 da boshlanadi.Sanjar Tursunov, OKMK yarim himoyachisi
Izoh (0)