Tokio—2020 Olimpiadasiga yo‘llanma olgan o‘zbekistonlik sportchilar musobaqaga ketishdan avval koronavirusga qarshi emlanadi. Bu borada Milliy Olimpiya qo‘mitasi (MOQ) raisi Rustam Shoabdurahmonov ma’lum qildi.
Xalqaro Olimpiya qo‘mitasi o‘rnatgan qoidalar bo‘yicha sportchilarga vaksina olganligi haqidagi hujjat muhim emas. Biz barcha murabbiylar, sportchilar va tibbiyot xodimlari ishtirokida majlis o‘tkazdik, unga sog‘liqni saqlash Vazirligi vakillarini ham jalb qildik. Unda rejalarimizni muhokama qilib oldik.Tokio—2020 Olimpiadasi 2021-yilning 23-iyulidan 8-avgustga qadar o‘tkaziladi. Avvalroq yozgi o‘yinlarga chet ellik muxlislar tashrifi bekor qilingani xabar qilingandi. Katta ehtimol bilan musobaqalar tomoshabinlarsiz va qat’iy karantin qoidalari asosida o‘tkaziladi.Barcha murabbiylar va sportchilarimiz so‘nggi litsenzion musobaqa tugashi bilan vaksinatsiyadan o‘tish qaroriga keldi. Hozirda bizga vaksina ajratilishini so‘rab, hukumatga murojaat qildik.
Xudo ko‘rsatmasin, u yerga borganda virus aniqlangudek bo‘lsa, sportchining shuncha yillik mehnatlari kuyib ketadi. Shuni qayd etish kerak, biz barchani avvalo yaqinlar va oila a’zolari bilan maslahatlashgan holda qaror qabul qilishga chaqirdik.
Rustam Shoabdurahmonov, MOQ rahbari
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)