UEFA “Milan” hujumchisi Zlatan Ibrahimovich bilan bog‘li holat yuzasidan surishtiruvni boshladi.
Tashkilot rasmiy saytida ma’lum qilinishicha, UEFA Tartib intizom reglamentining 31.4 bandi bo‘yicha 39 yoshli futbolchiga nisbatan ish ochilgan. Zlatan bukmekerlik kompaniyasi bilan moliyaviy tomondan aloqadorlikda gumon qilinmoqda.
Ibrahimovich 2018-yildan beri Bethard bukmekerlik idorasining 10 foiz ulushiga egalik qiladi. U to‘liq o‘ziga tegishli bo‘lgan Unknown AB firmasi orqali kompaniya huquqlariga egalik qilib kelgani aytilmoqda.
FIFA va UEFA qoidalariga bo‘yicha agar ma’lum futbolchining bukmekerlik idoralariga aloqasi bo‘lsa, u tashkilotlar tasarrufidagi musobaqalarda ishtirok eta olmaydi.
Avvalroq Ibrahimovich ushbu qoidalarni buzganligi sabab uch yilga futbolga oid faoliyatdan chetlatilishi mumkinligi aytilgandi.
Ibrahimovich aprel oyida “Milan” bilan amaldagi shartnomasini 2022-yilning yoziga qadar uzaytirgandi.
Zlatan Italiya chempionatining 2020/21-yilgi mavsumida 17 o‘yin o‘tkazib, 15 ta gol va 2 ta assistga mualliflik qildi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)