O‘tgan shanba kuni “Ipak yo‘li” AITB va Visa xalqaro kompaniyasi bankning bosh ofisida, 2020-yilning sentabrida boshlangan “Avtomobil yutish oson” aksiyasini yorqin hamda esda qolarli tarzda yakunladi. Aksiya super yutug‘i — Hyundai Elantra Active avtomobili toshkentlik tadbirkor, bankning ko‘p yillik mijozi Shirin Vohidovaga nasib etdi.
Yutuqli o‘yinda qatnashish shartlari juda oddiy, tushunarli va oson bajariladigan edi. Aksiyada O‘zbekiston fuqarolari, shuningdek, O‘zbekiston Respublikasida yashash huquqiga ega, fuqaroligi bo‘lmagan shaxslar va xorijlik rezidentlar qatnashishi mumkin edi. Ular asosiy shart — “Ipak yo‘li” AITBning istalgan bo‘limida chiqarilgan Visa (Visa Virtual, Visa Start, Visa Exchange, Visa Platinum Light, Visa Platinum Black va Visa Infinite) xalqaro to‘lov tizimi kartalarining sohibi bo‘lishi kerak edi.
Qimmatli sovg‘alar o‘yinida qatnashish uchun xaridlarni amalga oshirish va ular uchun Visa kartasi hamda internet orqali (faqat terminallardagi, shu jumladan, O‘zbekistondagi xaridlar) 10 dollardan boshlangan miqdorda mablag‘ to‘lash talab etildi. So‘nggi turda bunday ishtirokchilardan butun mamlakat bo‘ylab 8 mingdan ortiq odam yig‘ildi.
Yetti oy davomida foydali va zamonaviy gadjet hamda devayslar: simsiz naushniklar, ko‘p funksiyali, raqamli soatlar, portativ kolonka, ko‘chma akkumulyator, fitnes bilaguzuk, naushnik, smart soatlar va smartfonlar o‘ynaldi. Yetti oy davomida jami 94 ta sovg‘a egalariga yetkazildi.
Super sovrin o‘yinida qatnashish shartlari biroz murakkab bo‘lsada, uni bajarish ko‘pchilikning imkoniyati darajasida edi. 2020-yilning 1-sentabridan 2021-yilning 31-martiga qadar bo‘lgan vaqt oralig‘ida Visa kartasidan 100 AQSh dollaridan boshlanadigan mablag‘ni sarflash talab etildi. Sovg‘alar bilan bog‘liq holatdagi kabi faqat terminallar (shu jumladan, O‘zbekistondagi) hamda internet orqali xaridlar hisobga olindi.
“Ipak yo‘li” AITB chakana tadbirkorlik departamenti boshlig‘i Baxtiyor Murodjonovich Alimov:
“Eng birinchi yutuqli o‘yindanoq biz aksiyani imkon darajasida ochiq va shaffof o‘tkazdik. Chunki “Avtomobil yutish oson” aksiyasi “Ipak yo‘li” AITB tomonidan Visa xalqaro to‘lov tizimi bilan hamkorlikda mijozlar sadoqatini oshirish, ishlab chiqariladigan kartalar va ular orqali amalga oshiriladigan pul aylanmalari hajmini ko‘paytirish maqsadida tashkil etildi.
Ishonch bo‘lmasa, sadoqat ham bo‘lmaydi. Shuning uchun har oylik qimmatli sovg‘alar o‘yinlari bankning Instagram’dagi rasmiy sahifasi orqali, onlayn translyatsiyalar shaklida o‘tkazildi. Aksiyada qatnashayotganini har bir mijoz bank veb-sayti orqali oddiygina usulda – kartadagi oxirgi to‘rtta raqam va ism, sharif hamda familiyani kiritish orqali tekshirishi mumkin edi. Aksiya g‘oliblari ro‘yxati har oy www.ipakyulibank.uz saytining “Yangiliklar” bo‘limida e’lon qilib borildi. To‘g‘ridan to‘g‘ri efir yozuvlari Instagram sahifasidagi Aktual Stories’da saqlangan.
Final o‘yinining o‘tkazilishi haqida ham oldindan bank rasmiy sahifalarida va ijtimoiy tarmoqlarda e’lon qilindi. Visa kartasi sohibi bo‘lgan har bir bank mijozi o‘zining aksiyada qatnashayotganini tekshirib ko‘rishi mumkin edi. Bundan tashqari, yutuqli o‘yinga biz jurnalistlar, blogerlarni taklif etdik va ular o‘yinning shaffof o‘tkazilishini nazorat qilib, o‘z obunachilari uchun to‘g‘ridan to‘g‘ri efirlar olib borishdi”.
So‘nggi, yettinchi mart oyi uchun qimmatli sovg‘alar yutuqli o‘yini, shuningdek, butun muddat davomidagi “Avtomobil yutish oson” aksiyasi ishtirokchilari orasidan asosiy mukofot g‘olibini aniqlash jarayoni yorqin, shov-shuvli, ko‘tarinki kayfiyatda o‘tdi.
Hyundai Elantra Active avtomobilining bo‘lajak omadli sohibi 14 402 nafar nomzod orasidan random.org sayti yordamida, bankning Instagram’dagi rasmiy sahifasida to‘g‘ridan to‘g‘ri efir orqali aniqlandi.
Shirin Vohidova, tadbirkor:
“Mening ikkita do‘konim bor: biri “Shirinliklar”, ikkinchisi “Sarpa sandiq”. Faoliyatim yuzasidan men vaqti-vaqti bilan 100 dollar va undan ko‘proq miqdordagi to‘lovlarni amalga oshiraman. Boisi o‘zim ham Instagram’da targeting bilan shug‘ullanaman. Tanlovda qatnashayotganimni bilmasdim, hatto xayolimga ham keltirmagan edim. Chunki men barcha tanlovlar bu — tugamaydigan bosh og‘riq, qayergadir borish, nimalarnidir to‘ldirish kerak, deb o‘ylardim. Har doim qanday tanlov bo‘lmasin, unga e’tibor bermas edim. Bugun menga qo‘ng‘iroq qilib, ‘darhol Telegram’da javob bering, siz g‘olib bo‘ldingiz va to‘g‘ridan to‘g‘ri efirga chiqishingiz kerak, sizni kutishyapti, qo‘ng‘iroq qilishyapti!’ deyishganda, juda hayron bo‘ldim. Bu vaqtda men pardoz qilib, ishga borishga tayyorlanayotgan edim. Men har doim mana shunga o‘xshash nimanidir yutib olishni orzu qilganman. Mana, orzuim kutilmaganda amalga oshdi. “Ipak yo‘li” — sizga gap yo‘q, siz bilan orzular ro‘yobga chiqadi!”
Shirin Vohidovaning holatiga guvoh bo‘lganlar to‘g‘ridan to‘g‘ri efir vaqtida shunday xursand bo‘lishdiki, xuddi Shirin emas, zalda o‘tirgan har bir odam “Ipak yo‘li” va Visa xalqaro kompaniyasidan mashina yutib olgandek bo‘ldi.
O‘quvchilarimizga Visa xalqaro kartasini “Ipak yo‘li” AITBning istalgan ofisida bepul, shuningdek, Ipak yo‘li Mobile’dan bepul yetkazib berish xizmati bilan ochish mumkinligini eslatib o‘tamiz.
Ma’lumot uchun
“Ipak yo‘li” Aksionerlik innovatsion tijorat banki o‘z faoliyatini 1990-yildan buyon amalga oshiradi. 2013-yilda Osiyo taraqqiyoti banki bank aksioneriga aylandi.
2020-yilda Germaniya taraqqiyot moliya instituti (DEG) hamda Triodos Investment Management “Ipak yo‘li” AITB aksionerlik kapitaliga 25 million AQSh dollari miqdorida investitsiya kiritgan.
“Ipak yo‘li” mintaqaviy tarmog‘i 17 ta filialni o‘z ichiga olgan: 8 ta Toshkent shahrida va 9 ta mamlakat mintaqalarida. Filiallar qoshida 4 ta minibank va 24 ta maxsus kassa faoliyati yo‘lga qo‘yilgan. “Ipak yo‘li” AITB butun O‘zbekiston bo‘ylab 300 ta bankomat o‘rnatgan va 24 mingdan ortiq terminalni ishga tushirgan.
Visa kartasini ochish juda oddiy. Buning uchun “Ipak yo‘li” mobile ilovasini yuklab olish va kartaga buyurtma berish kifoya.
Reklama huquqi asosida.
Izoh (0)