Ўтган шанба куни «Ипак йўли» АИТБ ва Visa халқаро компанияси банкнинг бош офисида, 2020 йилнинг сентябрида бошланган «Автомобиль ютиш осон» акциясини ёрқин ҳамда эсда қоларли тарзда якунлади. Акция супер ютуғи — Hyundai Elantra Active автомобили тошкентлик тадбиркор, банкнинг кўп йиллик мижози Ширин Воҳидовага насиб этди.
Ютуқли ўйинда қатнашиш шартлари жуда оддий, тушунарли ва осон бажариладиган эди. Акцияда Ўзбекистон фуқаролари, шунингдек, Ўзбекистон Республикасида яшаш ҳуқуқига эга, фуқаролиги бўлмаган шахслар ва хорижлик резидентлар қатнашиши мумкин эди. Улар асосий шарт — «Ипак йўли» АИТБнинг исталган бўлимида чиқарилган Visa (Visa Virtual, Visa Start, Visa Exchange, Visa Platinum Light, Visa Platinum Black ва Visa Infinite) халқаро тўлов тизими карталарининг соҳиби бўлиши керак эди.
Қимматли совғалар ўйинида қатнашиш учун харидларни амалга ошириш ва улар учун Visa картаси ҳамда интернет орқали (фақат терминаллардаги, шу жумладан, Ўзбекистондаги харидлар) 10 доллардан бошланган миқдорда маблағ тўлаш талаб этилди. Сўнгги турда бундай иштирокчилардан бутун мамлакат бўйлаб 8 мингдан ортиқ одам йиғилди.
Етти ой давомида фойдали ва замонавий гаджет ҳамда девайслар: симсиз наушниклар, кўп функцияли, рақамли соатлар, портатив колонка, кўчма аккумулятор, фитнес билагузук, наушник, смарт соатлар ва смартфонлар ўйналди. Етти ой давомида жами 94 та совға эгаларига етказилди.
Супер соврин ўйинида қатнашиш шартлари бироз мураккаб бўлсада, уни бажариш кўпчиликнинг имконияти даражасида эди. 2020 йилнинг 1 сентябридан 2021 йилнинг 31 мартига қадар бўлган вақт оралиғида Visa картасидан 100 АҚШ долларидан бошланадиган маблағни сарфлаш талаб этилди. Совғалар билан боғлиқ ҳолатдаги каби фақат терминаллар (шу жумладан, Ўзбекистондаги) ҳамда интернет орқали харидлар ҳисобга олинди.
«Ипак йўли» АИТБ чакана тадбиркорлик департаменти бошлиғи Бахтиёр Муроджонович Алимов:
«Энг биринчи ютуқли ўйинданоқ биз акцияни имкон даражасида очиқ ва шаффоф ўтказдик. Чунки «Автомобиль ютиш осон» акцияси «Ипак йўли» АИТБ томонидан Visa халқаро тўлов тизими билан ҳамкорликда мижозлар садоқатини ошириш, ишлаб чиқариладиган карталар ва улар орқали амалга ошириладиган пул айланмалари ҳажмини кўпайтириш мақсадида ташкил этилди.
Ишонч бўлмаса, садоқат ҳам бўлмайди. Шунинг учун ҳар ойлик қимматли совғалар ўйинлари банкнинг Instagram’даги расмий саҳифаси орқали, онлайн трансляциялар шаклида ўтказилди. Акцияда қатнашаётганини ҳар бир мижоз банк веб-сайти орқали оддийгина усулда – картадаги охирги тўртта рақам ва исм, шариф ҳамда фамилияни киритиш орқали текшириши мумкин эди. Акция ғолиблари рўйхати ҳар ой www.ipakyulibank.uz сайтининг «Янгиликлар» бўлимида эълон қилиб борилди. Тўғридан-тўғри эфир ёзувлари Instagram саҳифасидаги Aktual Stories’да сақланган.
Финал ўйинининг ўтказилиши ҳақида ҳам олдиндан банк расмий саҳифаларида ва ижтимоий тармоқларда эълон қилинди. Visa картаси соҳиби бўлган ҳар бир банк мижози ўзининг акцияда қатнашаётганини текшириб кўриши мумкин эди. Бундан ташқари, ютуқли ўйинга биз журналистлар, блогерларни таклиф этдик ва улар ўйиннинг шаффоф ўтказилишини назорат қилиб, ўз обуначилари учун тўғридан-тўғри эфирлар олиб боришди».
Сўнгги, еттинчи март ойи учун қимматли совғалар ютуқли ўйини, шунингдек, бутун муддат давомидаги «Автомобиль ютиш осон» акцияси иштирокчилари орасидан асосий мукофот ғолибини аниқлаш жараёни ёрқин, шов-шувли, кўтаринки кайфиятда ўтди.
Hyundai Elantra Active автомобилининг бўлажак омадли соҳиби 14 402 нафар номзод орасидан random.org сайти ёрдамида, банкнинг Instagram’даги расмий саҳифасида тўғридан-тўғри эфир орқали аниқланди.
Ширин Воҳидова, тадбиркор:
«Менинг иккита дўконим бор: бири «Ширинликлар», иккинчиси «Сарпа сандиқ». Фаолиятим юзасидан мен вақти-вақти билан 100 доллар ва ундан кўпроқ миқдордаги тўловларни амалга ошираман. Боиси ўзим ҳам Instagram’да таргетинг билан шуғулланаман. Танловда қатнашаётганимни билмасдим, ҳатто хаёлимга ҳам келтирмаган эдим. Чунки мен барча танловлар бу — тугамайдиган бош оғриқ, қаергадир бориш, нималарнидир тўлдириш керак, деб ўйлардим. Ҳар доим қандай танлов бўлмасин, унга эътибор бермас эдим. Бугун менга қўнғироқ қилиб, ‘дарҳол Telegram’да жавоб беринг, сиз ғолиб бўлдингиз ва тўғридан-тўғри эфирга чиқишингиз керак, сизни кутишяпти, қўнғироқ қилишяпти!’ дейишганда, жуда ҳайрон бўлдим. Бу вақтда мен пардоз қилиб, ишга боришга тайёрланаётган эдим. Мен ҳар доим мана шунга ўхшаш ниманидир ютиб олишни орзу қилганман. Мана, орзуим кутилмаганда амалга ошди. «Ипак йўли» — сизга гап йўқ, сиз билан орзулар рўёбга чиқади!»
Ширин Воҳидованинг ҳолатига гувоҳ бўлганлар тўғридан-тўғри эфир вақтида шундай хурсанд бўлишдики, худди Ширин эмас, залда ўтирган ҳар бир одам «Ипак йўли» ва Visa халқаро компаниясидан машина ютиб олгандек бўлди.
Ўқувчиларимизга Visa халқаро картасини «Ипак йўли» АИТБнинг исталган офисида бепул, шунингдек, Ипак йўли Mobile’дан бепул етказиб бериш хизмати билан очиш мумкинлигини эслатиб ўтамиз.
Маълумот учун
«Ипак йўли» Аксионерлик инновацион тижорат банки ўз фаолиятини 1990 йилдан буён амалга оширади. 2013 йилда Осиё тараққиёти банки банк аксионерига айланди.
2020 йилда Германия тараққиёт молия институти (DEG) ҳамда Triodos Investment Management «Ипак йўли» АИТБ аксионерлик капиталига 25 миллион АҚШ доллари миқдорида инвестиция киритган.
«Ипак йўли» минтақавий тармоғи 17 та филиални ўз ичига олган: 8 та Тошкент шаҳрида ва 9 та мамлакат минтақаларида. Филиаллар қошида 4 та минибанк ва 24 та махсус касса фаолияти йўлга қўйилган. «Ипак йўли» АИТБ бутун Ўзбекистон бўйлаб 300 та банкомат ўрнатган ва 24 мингдан ортиқ терминални ишга туширган.
Visa картасини очиш жуда оддий. Бунинг учун «Ипак йўли» mobile иловасини юклаб олиш ва картага буюртма бериш кифоя.
Реклама ҳуқуқи асосида.
Изоҳ (0)