Osiyo Chempionlar Ligasining 5-turida “Sharja” 26-aprel, dushanba kuni “Eyr Fors”ga qarshi bahs olib bordi.
Uchrashuvning 15-daqiqasida Jeferson Kollazos iroqliklarni oldinga olib chiqdi. Bunga sharjaliklar birinchi bo‘limda Xolid Bavazir va Salim Solihning gollari bilan javob qaytardi.
Ikkinchi bo‘lim debyutida Kollazos muvozanatni tiklashga erishdi. Biroq 60-daqiqada Salim Solih dublini nishonlagan holda “Sharja”ga g‘alaba olib keldi.
Shu tariqa ushbu g‘alabadan keyin Otabek Shukurov harakat qiladigan “Sharja” guruhdan chiqish masalasini muddatidan avval hal qilib qo‘ydi.
B guruhida 5-turdan keyingi vaziyat quyidagi ko‘rinishni oldi:
- “Sharja” (11 ochko)
- “Traktor” (7)
- “Paxtakor” (4)
- “Eyr Fors” (2)
OChL
5-tur bahsi
26-aprel, dushanba
“Eyr Fors” — “Sharja” 2:3
Gollar: 1:0 – 15 Kollazos, 1:1 – 25 Bavazir, 1:2 – 35 Solih, 2:2 – 52 Kollazos, 2:3 – 60 Solih.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)