Futbol bo‘yicha Italiya A Seriyasining 33-turida “Milan” 26-aprel, dushanba kuni “Latsio” bilan bahs yuritdi.
Uchrashuv kutilmaganda mehmon Milan klubining yirik hisobdagi mag‘lubiyati bilan yakunlandi. Xoakin Korreaning 2 va 51-daqiqadagi dubli va Chiro Immobilening 87-daqiqadagi goli “Latsio”ning g‘alabasini ta’minladi.
Ushbu mag‘lubiyatdan keyin hisobida 66 ochko bo‘lgan “Milan” 5-o‘ringa tushib ketdi. Ikkita kam o‘yin o‘tkazgan “Latsio” 61 ochko bilan 6-pog‘onadan joy olgan.
“Napoli” “Torino” (Turinda) maydonida mehmon bo‘lib, Tyemue Bakayoko va Viktor Osimhenning gollari evaziga g‘alabani tantana qildi. Mazkur g‘alabadan keyin jamoaning ochkolari 66 taga yetgan, neapolliklar musobaqa jadvalida 4-o‘rinda bormoqda.
A Seriya
33-tur bahslari
26-aprel, dushanba
“Latsio” – “Milan” 3:0
Gollar: 1:0 – 2 Korrea, 2:0 – 51 Korrea, 3:0 – 87 Immobile.“Latsio”: Reyna, Lassari, Acherbi, Radu, Marushich, Lulich (Fares, 68), Leyva (Kataldi, 88), Milinkovich-Savich, Luis Alberto (Akpa-Akpro, 88), Korrea (Pereyra, 76), Immobile (Muriki, 88).
“Milan”: Donnarumma, Kyer (Romanyoli, 74), Teo, Tomori, Kalabriya (Diogu Dalot, 69), Bennaser (Tonali, 70), Salemakers (Braim Dias, 63), Kessie, Chalxono‘g‘lu, Rebich, Manjukich (Rafael Leau, 63).
Ogohlantirishlar: Acherbi (19), Milinkovich-Savich (57).
Izoh (0)