Toyota kompaniyasi Shanxay avtosaloni doirasida Crown Vellfire nomli minivenini taqdim etdi. Faqat Xitoyda sotuvga chiqadigan furgonning narxi 141,7 ming dollardan boshlanadi, deb xabar bermoqda Motor.
Uch qatorli hashamatli miniven old yorug‘lik optikasi va keng havo panjaralari o‘rnatilgan massiv bamperli dizaynga ega bo‘lgan. Bundan tashqari, miniven markaziy multimedia displeyi bilan jihozlangan, saloni charm bilan qoplangan va afsonafiy Toyota Crown’ning logotipi tushirilgan.
Toyota Crown Vellfire’ga 163 ot kuchini taqdim etishga qodir 2,5 litrli benzin dvigatelni o‘z ichiga olgan gibrid motor o‘rnatilgan. Premium furgon narxi 141 700 dollar atrofida. Hozirda yapon kompaniyasi faqatgina Xitoy bozori uchun taqdim etiladigan yangilangan model uchun buyurtmalar qabul qilishni boshlagan.
Avvalroq Hyundai kompaniyasi futuristik tashqi ko‘rinishga ega yangi Staria minivenini yaratayotgani ma’lum bo‘lgandi. Taxminlarga ko‘ra, yangi model H1 / Starex o‘rnini egallaydi va Staria deb nomlanadi.
Izoh (0)