Toshkent shahar Yunusobod tumanida 82-sonli yo‘nalish avtobusi va Nexia-3 avtomobili ishtirokida yo‘l-transport hodisasi yuzaga keldi, deya xabar bermoqda YHXBB.
Ma’lumotlarga ko‘ra, 2021-yilning 21-aprel kuni soat 14:00 larda, Toshkent shahar Yunusobod tumani Amir Temur ko‘chasida haydovchi Z.S. boshqaruvidagi, 82-yo‘nalishda harakatlanuvchi, yo‘lovchi tashuvchi Mercedes-Benz rusumli avtobus va haydovchi M.X. boshqaruvida bo‘lgan Nexia-3 rusumli avtomobil ishtirokida to‘qnashuv sodir bo‘lgan.
YTH natijasida tan jarohati olgan fuqarolar yo‘q.
Avtobus haydovchisi va yo‘lovchisi o‘rtasida o‘zaro nizoli vaziyat sabab birinchi tez tibbiy yordam ko‘rsatilishi yuzasidan shifoxonaga murojaat qilingan.
Mazkur YTH yuzasidan Yunusobod tumani IIO FMB YHXB tomonidan surishtiruv harakatlari olib borilib, to‘qnashuv sodir bo‘lish sabablariga aniqlik kiritilmoqda.
Bundan avval Toshkentda avtobus yo‘l chetida turgan piyodani urib ketgani, Namanganda mashinasi bilan pastlikka tushib ketgan Damas haydovchisi vafot etgani hamda Samarqandda Cobalt maktab oldidagi piyodalar yo‘lagidan o‘tayotgan 8 yoshli qizni urib yuborgani haqida xabar berilgandi.
Izoh (0)