Turkish Airlines Turkiyadan Farg‘onaga to‘g‘ridan to‘g‘ri reyslarni yo‘lga qo‘yishi haqida xabar berilgandi. Shu yuzasidan kompaniya reyslarni amalga oshirish uchun ruxsatnoma oldi. Bu haqda Transport vazirligi matbuot xizmati xabar qildi.
Ma’lum qilinishicha, Transport vazirligi huzuridagi “O‘zaviatsiya” agentligi tomonidan 2021-yil 15-aprelda Turkiyaning Turkish Airlines aviakompaniyasiga Istanbul—Urganch—Istanbul va Istanbul—Farg‘ona—Istanbul yo‘nalishlarida muntazam aviaqatnovlarni amalga oshirish uchun ruxsatnoma berildi.
Ma’lumot uchun, Turkish Airlines aviakompaniyasi 2006-yil 28-sentabrdagi 27-K sonli ekspluatatsion ruxsatnomaga ega bo‘lib, Istanbul—Toshkent—Istanbul va Istanbul—Samarqand—Istanbul yo‘nalishlari bo‘yicha muntazam aviaqatnovlarni amalga oshiradi.
Bundan avval Farg‘ona xalqaro aeroportidan Istanbulga ilk parvoz amalga oshirilgani, Uzbekistan Airways Parij, Rim va yana dunyoning 7 ta shahriga amalga oshiriladigan reyslarini yopishi hamda Shavkat Mirziyoyev Uzbekistan Airways hamda Uzbekistan Airports’ni transformatsiya qilish chora-tadbirlari taqdimoti bilan tanishgani haqida xabar berilgandi.
Izoh (0)