Turkish Airlines Туркиядан Фарғонага тўғридан-тўғри рейсларни йўлга қўйиши ҳақида хабар берилганди. Шу юзасидан компания рейсларни амалга ошириш учун рухсатнома олди. Бу ҳақда Транспорт вазирлиги матбуот хизмати хабар қилди.
Маълум қилинишича, Транспорт вазирлиги ҳузуридаги «Ўзавиация» агентлиги томонидан 2021 йил 15 апрелда Туркиянинг Turkish Airlines авиакомпаниясига Истанбул—Урганч—Истанбул ва Истанбул—Фарғона—Истанбул йўналишларида мунтазам авиақатновларни амалга ошириш учун рухсатнома берилди.
Маълумот учун, Turkish Airlines авиакомпанияси 2006 йил 28 сентябрдаги 27-К сонли эксплуатацион рухсатномага эга бўлиб, Истанбул—Тошкент—Истанбул ва Истанбул—Самарқанд—Истанбул йўналишлари бўйича мунтазам авиақатновларни амалга оширади.
Бундан аввал Фарғона халқаро аэропортидан Истанбулга илк парвоз амалга оширилгани, Uzbekistan Airways Париж, Рим ва яна дунёнинг 7 та шаҳрига амалга ошириладиган рейсларини ёпиши ҳамда Шавкат Мирзиёев Uzbekistan Airways ҳамда Uzbekistan Airports’ни трансформация қилиш чора-тадбирлари тақдимоти билан танишгани ҳақида хабар берилганди.
Изоҳ (0)