Futbol bo‘yicha Italiya A Seriyasining 32-turida “Milan” 21-aprel, chorshanba kuni “Sassuolo”ni qabul qildi.
30-daqiqada Xoqon Chalxono‘g‘lu hisobni ochdi. Ammo mehmonlar bunga Jakomo Raspadorining 76 va 83-daqiqadagi dubli bilan javob qaytarib, g‘alabani ilib ketdi. Shu tariqa milanliklar o‘z maydonida kechgan bahsda alamli mag‘lubiyatni qabul qilib oldi.
Hisobida 66 ochko bo‘lgan “Milan” ushbu mag‘lubiyatdan keyin musobaqa jadvalida 2-pog‘onada bormoqda. “Sassuolo” esa (49) 8-o‘rinni band etgan.
A Seriya
32-tur bahsi
21-aprel, chorshanba
“Milan” – “Sassuolo” 1:2
Gollar: 1:0 – 30 Chalxono‘g‘lu, 1:1 – 76 Raspadori, 1:2 – 83 Raspadori.“Milan”: Donnarumma, Kyer, Tomori, Kalabriya (Kalulu, 86), Diogu Dalot, Kessie, Meyte (Brahim Dias, 86), Salemakers (Kastilyexo, 86), Chalxono‘g‘lu (Krunich, 73), Rebich (Manjukich, 74), Rafael Leau.
“Sassuolo”: Konsili, Marlon, Ferrari, Myuldyur (Tolyan, 63), Kiryakopulos, Obiang (Lopes, 72), Jurichich (Traore, 63), Berardi, Lokatelli, Boga (Garaslin, 83), Defrel (Raspadori, 64).
Ogohlantirish: Jurichich (60).
Izoh (0)