Yevropa Superligasi ta’sischilaridan bo‘lgan yana ikki klub loyihani tark etishini ma’lum qildi.
APLning olti klubi ortidan Madridning “Atletiko”si va Milanning “Inter” klublari musobaqada ishtirok etmasligini ma’lum qildi.
Shu tariqa Yevropa Superligasini tark etishini e’lon qilmagan to‘rtta klub qoldi. Bular: “Real”, “Barselona”, “Milan” va “Yuventus”.
Xabarlarga ko‘ra, “Barselona” rahbariyati ham musobaqani tark etishni istamoqda. Biroq ular klub a’zolarining roziligisiz qaror chiqara olmaydi.
18-aprel kuni yuqorida sanab o‘tilgan klublar va APLning top-6 jamoasi Yevropa Superligasiga asos soldi. Uning rahbari etib “Real” prezidenti Florentino Peres tayinlandi. “Yuventus” prezidenti Andrea Anyelli esa unga o‘rinbosar bo‘lgandi.
Avvalroq Yevropa Superligasi loyihasi APL klublarining chiqib ketgani sabab vaqtincha to‘xtatilishi e’lon qilingandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)