Европа Суперлигасини ташкил қилган клублар УЕФА ва ФИФАни янги мусобақани жорий қилишга халал бермасликка чақирди.
Европа Суперлигаси таъсисчилари юқори футбол ташкилотлари томонидан амалга ошириладиган тақиқ ва санкциялар янги мусобақанинг ташкил этилишига тўсқинлик қилишга тенглаштирилиши ҳамда бу ҳолат судлашувгача бориши ҳақида огоҳлантирган.
Аввалроқ УЕФА ва ФИФА Суперлигани ташкил қилишга уринаётганларни огоҳлантирган, унинг барча иштирокчилари миллий чемпионатлар ҳамда халқаро майдондаги ўйинлардан четлатилиши мумкинлиги ҳақида маълум қилганди.
Мавзуга доир: Футболда аср тўнтарилиши: Европа Суперлигаси ўзи қандай мусобақа ва нималар бўлмоқда? (тафсилотлар)
Шу туфайли SLCo (Super League Company) янги мусобақани тегишли қонунлар асосида тўсқинликларсиз ташкил этиш ва ишга туширишни таъминлаш учун судга ариза билан чиқди.
Суперлига Европа футболининг муҳим қисми бўлган мавжуд миллий чемпионатлар ва Кубок мусобақалари қаторида ўтказилиши лозим.
Биз Чемпионлар Лигаси ёки Европа Лигасини ўрнини эгаллашга интилмаймиз, биз бу мусобақалар билан рақобат қилишни ва улар билар биргаликда мавжуд бўлишни хоҳлаймиз», — дейилади ФИФА ва УЕФА президентларига юборилган хатда.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)