Futbol bo‘yicha Germaniya Bundesligasining 29-turidan o‘rin olgan bir qator uchrashuvlar 17-aprel, shanba kuni bo‘lib o‘tdi.
“Bavariya” “Volfsburg” maydoniga safar qildi. Uchrashuvda umumiy hisobda 5 ta gol urildi. Myunxen klubi safida 18 yoshli Jamal Musiala dublga erishdi, shuningdek, Erik Shupo-Moting ham o‘z nomini tabloga yozdirib qo‘ydi. Mezbonlarning gollariga esa Vaut Vegorst va Maksimilian Filipp mualliflik qildi.
“Bavariya” ushbu g‘alabadan keyin 68 ochko bilan musobaqa jadvalida 1-o‘rinda bormoqda, “Volfsburg” esa 3-pog‘onadan joy olgan.
“Borussiya M” o‘z maydonida “Ayntraxt F”ni qabul qilib, javobsiz 4 ta gol urdi. Gollarga Mattias Ginter, Yonas Hofmann, Rami Bensebayni va Hannes Volf mualliflik qildi.
“Borussiya M” 7-o‘rindan joy olgan bo‘lsa, “Ayntraxt F” 4-o‘rinda bormoqda.
Bundesliga
29-tur bahslari
17-aprel, shanba
“Volfsburg” – “Bavariya” 2:3
Gollar: 0:1 – 15 Musiala, 0:2 – 24 Shupo-Moting, 1:2 – 35 Vegorst, 1:3 – 37 Musiala, 2:3 – 54 Filipp.“Volfsburg”: Kastels, Mbabu, Bruks, Lakrua, Paulo Otavio, Gerxardt, Shlager, Filipp (Byalek, 78), Joao Viktor (Russiyon, 60), Baku (Brekalo, 55), Vegorst.
“Bavariya”: Noyer, Pavar, Boateng, Lyuka Ernandes (Nyanzu, 90), Devis, Alaba, Kimmix, Musiala (Koman, 73), Shupo-Moting, Myuller, Sane (Xavi Martines, 87).
Ogohlantirishlar: Paulo Otavio (57), Lyuka Ernandes (79), Mbabu (86).
Izoh (0)