Prezidentining 9-apreldagi qarori bilan Baxtiyor Rahimov investitsiyalar va tashqi savdo vazirining o‘rinbosari etib tayinlandi. Bu haqda vazirlik matbuot xizmati xabar berdi.
Tayinlovga qadar Baxtiyor Rahimov Prezident Administratsiyasi, Vazirlar Mahkamasi hamda Davlat bojxona qo‘mitasida turli lavozimlarda ishlab kelgan.
Baxtiyor Rahimov yangi lavozimida Eksportni qo‘llab-quvvatlash milliy tizimining samarali ishlashini ta’minlash, tarmoq va hududlarning eksport salohiyatini rivojlantirish, tashqi bozorlarda kompleks marketing siyosatini olib borish, shuningdek, transport-kommunikatsiya va logistika salohiyatini va xalqaro transport yo‘laklarini rivojlantirish masalalarini muvofiqlashtirishga mas’ul bo‘ladi.
Avvalroq Otabek Nazirov to‘g‘ridan to‘g‘ri investitsiyalar jamg‘armasi bosh direktori etib tayinlangani to‘g‘risida xabar berilgandi.
Izoh (0)