DJ Piligrim O‘zbekistonda xizmat ko‘rsatgan artist Rayhon G‘aniyeva ustidan Uchtepa tumani IIBga shikoyat qildi. Bu haqda Rayhon Instagram’dagi sahifasida yozdi.
Assalomu alaykum! Bugun sizlarga bir voqeani aytib bermoqchiman. Rostini aytsam, oxirgi bo‘lib o‘tgan ishlar meni juda hayron qoldirdi. Shu yaqin kunlarda menga Uchtepa tumani IIBdan qo‘ng‘iroq bo‘ldi, qo‘ng‘iroqni egasi menga siz 17-mart kuni YouTube’da bergan intervyungizda fuqaro Ilhom Yo‘lchiyev (DJ Piligrim) ni shaxsiyatiga tegadigan gaplar bilan haqoratlabsiz, uni so‘kibsiz deb aytdi. Avvaliga kulib qo‘ydim, keyin esa judayam xafa bo‘ldim. Qanday qilib erkak kishi bo‘la turib, ayol kishini ustidan organ xodimlariga arz qilsa? Men ayol kishi bo‘la turib bunaqa ishlarga qo‘lim bormagan, hatto xayolimga ham kelmagan.Ma’lumot uchun, Rayhon YouTube kanallardan biriga bergan intervyusida DJ Piligrim uning dilini og‘ritgani, uni Xudoga solgani haqida gapirgan edi.Aslida bu intervyudagi savolga bunday javob berganimni sababi bir ish bilan bo‘lib DJ Piligrim bilan studiyada ko‘rishib qoldik, u bilan ancha suhbatlashdik va uni ijodiga befarq bo‘lmaganim sabab muxlislar uchun bitta zo‘r duet qilaylik deb kelishdik va biz ushbu proyekt ustida birgalikda mehnat qilishni boshladik. So‘zi va musiqasi mendan. Oranjerovka, ovoz yozish (studiya), mastering, garmoniya, svideniyalar uchun qilinadigan xarajatlar sendan deb aytdi va men ayol kishi bo‘lsam ham mardlik qilib bu xarajatlarni o‘z zimmamga oldim va pullarni o‘z vaqtida yetkazib berdim. Qo‘shiq tayyor bo‘ldi, ikkalamizga ham yoqdi, keyin klip olamiz deb kelishdik, klipni xarajatini ham sen ko‘tarasan dedi bunga ham rozi bo‘ldim. Qo‘shiqni premyera qilishdan avval, u meni YouTube kanalim va shaxsiy internet leybllarim bor avval shu yerga qo‘shiqni joylashtirib keyin bir vaqtni o‘zida ham meni kanallarimda ham radioda premyera qilamiz dedi, uning uchun qo‘shiq to‘la meniki bo‘lishi kerak va sen meni qo‘llab turishing kerak deb qo‘shiqni hujjat asosida 100 foiz egasi deb mendan rozilik oldi. Va men radiolar bilan gaplashib ularga iltimos qilib qo‘shiqni premyera uchun ularga berdim va ular belgilagan sanasidan oldin DJ Piligrim’ning kanallarida qo‘shiq tarqab ketdi, radiolar premyera qilishdan bosh tortishdi, radiolar premyerasiz qo‘yishni boshlashdi. Avvaliga xafa bo‘ldim, keyin esa ahamiyat qilmadim, sababi muxlislar eshitishsa bo‘ldi deb qo‘ydim.
Qayerda eshitgansizlar bunday tubanlikni? Intervyuda u haqida nima deganimni ko‘rib va bu voqeani o‘qib, o‘zingiz xulosa qiling. U odamga meni hech qanday gapim yo‘q va men bu insonga oramizdan nima gaplar o‘tganiga qaramay muborak Ramazon oyida unga faqat yaxshilik tilayman!
Fursatdan foydalanib barcha yurtdoshlarimizni va dunyodagi barcha musulmonlarni muborak Ramazon oyi bilan chin qalbimdan tabriklayman! Xonadoningiz nurga to‘lsin, tutayotgan ro‘zalaringizni Alloh o‘z dargohida qabul qilsin!
Rayhon G‘aniyeva, O‘zbekistonda xizmat ko‘rsatgan artist
Izoh (0)