Yoshi 40 dan oshgan eng chiroyli yulduzlar reytingidan o‘rin olgan ayollarning go‘zallik siri nimada?

Glowday go‘zallik klinikasi yoshi 40 dan oshganiga qaramay hali hamon maftunkor va chiroyli yulduzlarni aniqlash uchun Britaniyalik ayollar o‘rtasida so‘rovnoma o‘tkazdi. Natijalar 2021-yilning 26-mart kuni Daily Mail nashrida e’lon qilingan.

Keyt Bekinseyl, 47 yosh

“Perl-Xarbor”, “Van Xelsing” singari film yulduziga ijtimoiy so‘rovnomada 8 foiz odam ovoz bergan. Yuzi uchun alohida kosmetik vositalardan foydalanmaydigan aktrisa shunchaki qimmat bo‘lmagan sovun, quyoshdan himoya qiladigan krem va yog‘dan foydalanadi.

Klaudiya Vinkleman, 49 yosh

Britaniyalik teleboshlovchi yuzini parvarish qilish uchun maxsus usuldan foydalanmasligi, ba’zida hatto kosmetikani yuvmasdan uyquga yotishini bildirgan. Klaudiya tiniqib uxlash salomatlik va ko‘rinishga hissa qo‘shishi mumkin bo‘lgan, o‘zi amal qiladigan odat ekanini ma’lum qilgan.

Xelli Mirren, 75 yosh

Yoshi kattaligiga qaramay, suratga tushishda davom etadigan aktrisa, o‘zini hurliqo deb hisoblamaydi. Asosiysi pomada, lab qalami va namlantiruvchi krem xarid qilish kerakligini ta’kidlaydi.

Davina Makkoll, 53 yosh

Angliyalik aktrisa va teleboshlovchi sport bilan shug‘ullanish, vitamin va kollagenli choy ichish hamda sog‘lom ovqatlanishga rioya qiladi.

Keyt Xadson, 41 yosh

Tashqi ko‘rinishiga alohida e’tibor qaratadigan Keyt hatto samolyotda ham yuziga niqob qo‘yishdan uyalmaydi. Ko‘p suv ichib, meditatsiya bilan shug‘ullanadigan yulduz, psixologik va jismoniy salomatlikka alohida e’tibor qaratadi.

Sara Jessika Parker, 56 yosh

Gollivud yulduzi sochlarining jilo sochishiga professionallar sababchiligi, o‘zi esa maxsus kosmetikadan foydalanmasligini ma’lum qiladi.

Nayjela Louson, 61 yosh

Britaniyalik jurnalist qurigan terini yo‘qotish uchun idish yuvishda ishlatiladigan silikon qo‘lqopdan foydalanish kerakligini bildirgan.

Riz Uizerspun, 45 yosh

“Oskar” mukofotining sovrindori esa yosh ko‘rinishi sport bilan shug‘ullanishi, ko‘p ko‘kat yeyishi hamda quyoshdan himoya qiluvchi kremdan foydalanishda deb biladi.

Keyt Moss, 47 yosh

15 foiz ovoz to‘plagan Keyt esa yuz terisi tiniq va shishlardan holi ko‘rinishi uchun ajoyib usuldan foydalanadi. Buning uchun rakovinaga suv to‘ldirib, to‘g‘ralgan bodringlarni soladi, yuzini unga tiqib nafasi yetgunicha turadi.

Tess Deyli, 51 yosh

Tess terisini muntazam ravishda tozalab, namlantirib turadi, meditatsiya va yoga bilan shug‘ullanadi. Tongda tetik uyg‘onish va qon aylanishini yaxshilash uchun esa arqonda sakrashni maslahat beradi.

Naomi Kempbell, 50 yosh

Supermodel esa ko‘rinishi mukammal bo‘lishi uchun terining muntazam ravishda yaltirab tiniq bo‘lib turishini muhim deb biladi.

Viktoriya Bekhem, 46 yosh

Yuz massaji muolajasini kanda qilmaydigan dizayner, tabiiy kosmetik vositalardan foydalanishni afzal biladi. U terini namlantiruvchi vositalarsiz hayotini tasavvur qila olmaydi.

Kim Kardashyan, 40 yosh

Kimning mukammal ko‘rinishi makiyaj bilan bog‘liq. Bundan tashqari u qurigan terisini yangilash uchun gelga bir qoshiq shakar qo‘shishni tavsiya qiladi.

Jennifer Eniston, 52 yosh

Eniston esa muzli suvda yuvinish, sport va meditatsiya bilan shug‘ullanish orqali go‘zalligini yo‘qotmagan. Tabiiy kosmetik vositalardan foydalanadigan aktrisa qahvani ko‘katlardan tayyorlanadigan sharbatga almashtirgan.

Jennifer Lopes, 51 yosh

38 foiz ovoz bilan reytingda birinchi bo‘lgan aktrisaning go‘zalligi esa zaytun yog‘idan foydalanish bilan ham bog‘liq.