Siz butun dunyo taniydigan kinoyulduz yoki qo‘shiqchi bo‘lsangiz ham, noqonuniy harakat sodir etdingizmi, demak, qonun oldida javob berishingiz shart. Gollivud yulduzlarining hibsga olingandan keyin, politsiya bo‘limida olingan fotosuratlari bilan tanishing.
Bruno Mars
2010-yilda musiqachi Las-Vegasdagi Hard Rock mehmonxonasidagi nomerida kokain topilganidan keyin hibsga olingan. “O‘sha payt men yosh edim, buning ustiga Vegasda edim” — deb o‘zini oqlagan u.
Riz Uizerspun
2013-yilda Riz turmush o‘rtog‘i Jim Tot bilan mashinada ketayotganida qarama-qarshi yo‘lga chiqib ketgan. Aktrisa esa politsiyaning mashinadan tushish haqidagi buyrug‘iga bo‘ysunmay, janjal ko‘targan.
Jastin Biber
2014-yilda Biber Mayamidagi ko‘chalardan birida poyga paytida hibsga olingan. O‘sha payt u alkogol va giyohvand moddalar ta’sirida bo‘lgan.
Xloi Kardashyan
Kardashyan 2007-yilda mast holda avtomobil boshqargani uchun hibsga olingan va sinov muddatini buzgani uchun 30 kunlik qamoq jazosiga hukm qilingan, ammo qamoqxonada mahbuslar ko‘pligi sabab uch soat panjara ortida o‘tirgan, xolos.
Mettyu MakKonaxi
Aktyor 1999-yilda qo‘shnilari shovqindan shikoyat qilgani sababli hibsga olingan. Politsiya Mettyuni o‘z uyida yalang‘och holda uchratgan — u baraban chalayotgan bo‘lgan, bundan tashqari uning uyidan marixuana ham topilgan. “Nima o‘z uyimda ham baraban chalolmaymanmi”, — deb g‘azablangan aktyor.
Peris Hilton
Peris bir necha marotaba mast holda transport vositasini boshqargan bo‘lsa-da, hibsga olinmagan, ammo 2007-yilda u soxta litsenziya bilan mashina haydagani va sinov muddatini buzganligi uchun 45 kunlik qamoq jazosiga hukm qilingan. Natijada Peris bir haftaga yaqin qamoqda bo‘lgan.
Kichik Robert Dauni
1996-yilda aktyor giyohvandlikdan majburiy davolanishga yuborilgan, biroq bir yildan so‘ng kichik Dauni tanadagi giyohvand moddalarni aniqlash bo‘yicha majburiy testlardan biriga kelmagani sababli olti oy qamoqda o‘tirgan.
Makoley Kalkin
Aktyor giyohvand modda saqlagani uchun 2004-yilda hibsga olingan.
Lindsi Loxan
Aktrisa 2007-yilda u mast holda transport vositasini boshqargani va giyohvand modda saqlagani uchun hibsga olingan. Natijada bir sutkani qamoqda o‘tkazgan.
Shaya Labaf
2017-yilda aktyor jamoat joyida mast holda zo‘ravonlik sodir etgani uchun hibsga olingan. U yo‘lda o‘tayotganlarning hech biri sigareta bermagani uchun janjal ko‘targan.
Mishel Rodriges
2007-yilda Mishel mast holda transport vositasini boshqargani uchun berilgan sinov muddatini buzgani sababli 18 kun qamoqda o‘tirgan.
Mavzuga doir:
Izoh (0)