Yengil vazn toifasi vakillari Konor Makgregor (22-5) va Dastin Porye (27-6) o‘rtasidagi jang bekor qilinishi mumkin. Bu haqda irlandiyalik UFC jangchisi ma’lum qildi.
Gap shundaki, yakkakurashchilar o‘rtasida tortishuvli holat yuzaga keldi. Avvaliga Porye yanvardagi jangdan keyin Konor tomonidan uning fondiga xayriya qilinishi va’da qilingan 500 ming dollar kelib tushmaganini aytdi va Makgregor buning uchun javob berishini ma’lum qildi. Konor esa xayriya pullari qarz emasligi va uni o‘tkazib berishga majbur emasligini aytdi.
Konor so‘nggi postida Poryega qarshi jangni bekor qilishi va 10-iyul kungi musobaqada boshqa yakkakurashchi bilan jang qilishini aytdi.
Sen aqlsiz qishloqi. Rejasiz 500 ming dollar...Eslatib o‘tamiz, Konor va Porye o‘rtasidagi uchinchi jang 2021-yiling 10-iyulida UFC 264 musobaqasida bo‘lib o‘tishi rejalashtirilgandi. Mazkur musobaqada o‘zbekistonlik UFC jangchisi Mahmud Murodov ham oktagonga ko‘tarilishi xabar qilingandi.Menimcha, pul borasida hech nimani tushunmaysan. Aytgancha, jang bekor qilinadi. Men 10-iyul kuni boshqa birortasi bilan jang qilaman. Omadingni bersin.
Jamoam har bir xayriya kerakli joyga borishi uchun barcha ishni qiladi. Mening saxovatpeshaligim barchaga ayon. Nomimni bulg‘ashga uringaning uchun hali javob berasan. Sen tamomsan.
Konor Makgregor, UFC jangchisi
Porye UFC 257 musobaqasida Makgregorni ikkinchi raundda nokautga uchratgandi. Undan avval yakkakurashchilar 2014-yilda ham o‘zaro to‘qnash kelgan va unda irlandiyalik sportchi birinchi raundda Poryeni nokautga uchratgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)