Chempionlar Ligasi. “Liverpul” — “Real”, “Borussiya D” — “Manchester Siti” uchrashuvlarini boshqarib boradigan hakamlar ma’lum bo‘ldi

Futbol bo‘yicha Yevropa Chempionlar Ligasining chorak final javob bahslaridan o‘rin olgan chorshanba kungi bahslarga hakamlar tayinlandi.

“Liverpul” va “Real Madrid” (birinchi bahs — 1:3) jamoalari o‘rtasidagi uchrashuvni Byorn Kuypers boshchiligidagi hakamlar guruhi boshqarib boradi. VAR tizimida uning hamyurti Pol van Boekel ishlaydi. To‘rtinchi hakam — Tasos Sidiropulos (Gretsiya).

“Borussiya D” — “Manchester Siti” bellashuvi (birinchi bahs — 1:2) esa ispaniyalik Karlos del Serro Grandega ishonib topshirilgan. Videotakrorlar tizimiga Xuan Martines Munuera javob beradi. To‘rtinchi hakam — Xose Mariya Sanches.

Har ikki uchrashuv Toshkent vaqti bilan 14-apreldan 15-aprelga o‘tar kechasi 00:00 da boshlanadi.

Mavzuga doir: YChL. PSJ — “Bavariya” va “Chelsi” — “Portu” javob o‘yinlariga hakamlar tayinlandi