Surxondaryo viloyati Termiz shahrida 10 va 11-aprel kunlari O‘zbekiston Respublikasi Prezidenti sovrini uchun al-Hakim at-Termiziy xotirasiga bag‘ishlangan XV xalqaro kurash musobaqasi o‘tkazildi.
15-bor tashkil etilgan an’anaviy xalqaro musobaqada erkaklar oltita (-60 kg, -66 kg, -73 kg, -81 kg, -90 kg va +90 kg), ayollar esa beshta (-48 kg, -57 kg, -63 kg, -70 kg, +70 kg) vazn toifasida o‘zaro bellashdi.
Al-Hakim at-Termiziy xalqaro musobaqasining umumiy mukofot jamg‘armasi 100 ming AQSh dollarini tashkil etib, har bir vazn toifasi g‘oliblariga 3 ming dollar, 2-o‘rinni qo‘lga kiritgan sportchilarga 2 ming hamda ikkita 3-o‘rin sohiblariga ming dollar miqdorida pul mukofotlari topshirildi.
Mutlaq vaznda (+90 kg) g‘olib bo‘lgan o‘zbekistonlik polvon Muhsin Hisomiddinov O‘zbekiston Respublikasi Prezidenti sovrini — 10 ming dollarga sazovor bo‘ldi. 2-o‘rin sohibi tojikistonlik Dadaxon Qurbonaliyev 5 ming dollar, ikkita 3-o‘rin sohiblari Yahyo Imomov (O‘zbekiston) va Ne’matullo Asranqulov (Tojikiston) 3,5 ming dollardan, jami 22 ming dollar miqdoridagi pul mukofoti bilan taqdirlandi.
Shuningdek, mutlaq vazn toifasida chorak finalda mag‘lubiyatga uchragan 4 nafar kurashchining har biriga 2 ming dollardan mukofot topshirildi.
Musobaqa yakunlariga ko‘ra natijalar quyidagicha:
- 60 kg.
1. Muhammadrizo Quvvatov (Tojikiston);
2. Abdullaziz Hamroyev (O‘zbekiston);
3. Akobir Qurbonov (O‘zbekiston);
3. Kanat Seilxan (Qozog‘iston).
- 66 kg.
1. Qobuljon Ahmedov (O‘zbekiston);
2. Atabek Amirali (Qozog‘iston);
3. Ruslan Bo‘riyev (O‘zbekiston);
3. Muhammad Yusuf Shuayib (Afg‘oniston).
-73 kg.
1. Sabir Saparbayev (Qozog‘iston);
2. Umidjon Abdullayev (O‘zbekiston);
3. O‘rol Sodiqov (O‘zbekiston);
3. Ilsohzoda Husini (Tojikiston).
+70 kg.
1. Pokizaxon Kamoliddinova (O‘zbekiston);
2. Azman Amayeva (Qozog‘iston);
3. Filura Ergasheva (O‘zbekiston);
3. Gusevo Vladleno (Rossiya).
+90 kg.
1. Muhsin Hisomiddinov (O‘zbekiston);
2. Dadaxon Qurbonaliyev (Tojikiston);
3. Yahyo Imomov (O‘zbekiston);
3. Ne’matullo Asrankulov (Tojikiston).
Izoh (0)