Futbol bo‘yicha Ispaniya La Ligasi 30-turida Madridning “Atletiko” klubi 11-aprel, yakshanba kuni “Betis” maydoniga safar qildi.
Uchrashuvda jamoalar murosa yo‘lini tanladi. Yannik Ferreyra Karraskoning 5-daqiqada urgan goliga mezbonlar 20-daqiqada Kristian Telyoning aniq zarbasi bilan javob qaytardi. Shu tariqa “Atletiko” o‘zi uchun muhim bo‘lgan o‘yinda ochko yo‘qotdi.
Ushbu durangdan keyin “Atletiko”ning ochkolari soni 67 taga yetdi, jamoa yana birinchi o‘ringa qaytdi. 2-o‘rindagi “Real”ning hisobida 66, “Barselona”da esa 65 ochko bor. Ochkolari 47 taga yetgan “Betis” 6-pog‘onaga ko‘tarildi.
Yana bir bellashuvda “Valensiya” o‘z maydonida “Real Sosyedad” bilan murosa yo‘lini tanladi.
La Liga
30-tur bahslari
11-aprel, yakshanba
“Betis” — “Atletiko” 1:1
Gollar: 0:1 – 5 Karrasko, 1:1 – 20 Telyo.“Betis”: Bravo, Mandi, Emerson, Moreno, Bartra, Fekir, Kanales, Ruibal (Laynes, 75), Xoakin (Xuanmi, 63), Telyo, Rodriges (Vilyam Karvalyu, 90).
“Atletiko”: Oblak, Savich, Ximenes, Ermoso (Lodi, 63), Trippyer (Vrsalko, 78), Koke, Errera (Vitolo, 64), Korrea, Saul, Joau Feliks (Torreyra, 48), Karrasko.
“Vilyarreal” – “Osasuna” 1:2
Gollar: 0:1 – 64 Monkayola, 1:1 – 70, avtogol David Garsiya, 1:2 – 74 Budimir.“Valensiya” – “Real Sosyedad” 2:2
Gollar: 0:1 – 33 Gevara, 0:2 – 45 Isak, 1:2 – 60, penalti Vass, 2:2 – 73 Gabriel Paulista.“Valyadolid” – “Granada” 1:2
Gollar: 1:0 – 41, penalti Orelyana, 1:1 – 78 Molina, 1:2 – 86 Kini.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)