Madridning “Real” klubi La Liga 30-turi doirasida 10-aprel kuni “Barselona”ga qarshi kechgan bahsda (2:1) g‘alaba qozondi.
Bu uchrashuvda Karim Benzema o‘z hisobiga gol yozdirib qo‘ydi. Lukas Vaskesning uzatmasidan keyin fransiyalik futbolchi tovoni bilan to‘pni darvozaga joylab qo‘ydi.
Shu tariqa Benzema “Real” safida klasikolardagi 10-golini urdi. Karim bu borada madridliklar sobiq futbolchilari Xuanito va Ugo Sanchesning ko‘rsatkichiga tenglashib oldi.
“Barselona”ga eng ko‘p gol urish borasida Alfredo di Stefano va Krishtianu Ronaldu yetakchi bo‘lib qolmoqda. Har ikki futbolchi “El-Klasiko”larda 18 tadan gol urgan.
Benzema La Liga joriy mavsumida 26 o‘yin o‘tkazib, 19 ta gol va 6 ta golli uzatma amalga oshirdi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)