Futbol bo‘yicha O‘zbekiston Superligasining 5-turidan o‘rin olgan “Mash’al” — “Qo‘qon-1912” (0:2) uchrashuvida bahsli holat kuzatildi.
Uchrashuvning 51-daqiqasida Mo‘minjon Meliyev qo‘qonliklarni hisobda oldinga olib chiqdi. Gap shundaki, Meliyevning zarbasidan keyin to‘p darvozaning yon tomonidagi to‘r orqali o‘tib darvozadan o‘rin oldi. Bu vaziyatda hakamlar golni inobatga oldi.
O‘yinni Vadim Agishev boshchiligidagi hakamlar guruhi boshqarib bordi. Uchrashuvda VAR tizimidan foydalanilmadi.
E’tiborlisi, mart oyining eng yaxshi qanot hakami deb topilgan Ruslan Serazetdinov gol deb hisoblangan vaziyatdagi holatni ilg‘amay qoldi.
Eslatib o‘tamiz, avvalroq Viktor Serazetdinov “So‘g‘diyona” — “Turon” uchrashuvidagi noxolis harakatlari uchun nomuayyan muddatga chetlatilgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)