Yunusobod tumani Ahmad Donish ko‘chasining qo‘shimcha yo‘lida yuzaga kelgan nosozlik tufayli transport harakati vaqtincha cheklanib, avtobus yo‘nalishlari o‘zgartiriladi. Bu haqda Toshkent shahar hokimligi matbuot xizmati xabar berdi.
Qayd etilishicha, Yunusobod tumani Yunusobod dehqon bozori qarshisida diametri 1400 millimetr bo‘lgan suv quvurida yuzaga kelgan nosozlik tufayli 4-aprel 10:00 dan 24:00 gacha avariya tiklash ishlari amalga oshiriladi.
Shu munosabat bilan, mazkur hududda yo‘l transporti vositalari harakati cheklanadi. Quyida vaqtincha jamoat transporti harakati yo‘nalishi ko‘rsatilgan.
Bundan avval Toshkentdagi “Qo‘yliq” ko‘prigi 20-aprelgacha avtomobillar harakati uchun yopilgani hamda Ahmad Donish ko‘chasi “karmashka” yo‘llarining bir qismi 1 oy muddatga yopilgani haqida xabar berilgandi.
Izoh (0)