Turinning “Yuventus” klubi “Manchester Yunayted” hujumchisi Jeydon Sancho transferi bo‘yicha yangi rasmiy taklif yubordi. Bu haqda taniqli jurnalist Janluka Di Marsio xabar berdi.
Manbaga ko‘ra, italiyaliklar futbolchi uchun ingliz klubiga 10 million yevro hamda qo‘shimcha ravishda 5 million yevro bonus taklif qilgan.
Avvalroq matbuotda “Yuventus” Sanchoga 2029-yilga qadar amal qiladigan shartnoma taklif qilgani haqida xabarlar tarqalgan edi. Shuningdek, bitimni yana bir yilga uzaytirish imkoniyati mavjud bo‘ladi. Uning yillik maoshi 5 million yevro va bonuslardan iborat bo‘lishi kutilmoqda.
Ma’lumot uchun, Sancho o‘tgan mavsumni “Chelsi” safida ijarada o‘tkazdi. Uning “Manchester Yunayted” bilan amaldagi shartnomasi 2026-yil yozigacha davom etadi. Transfermarkt portali futbolchining qiymatini 28 million yevro deb baholamoqda.
Eslatib o‘tamiz, “Machester Yunayted” 2021-yili Sanchoni “Borussiya D”dan 85 million yevro evaziga xarid qilgan edi. Biroq futbolchi mankunianliklar safida o‘z o‘yinini topa olmadi va “Chelsi”, “Borussiya D” kabi jamoalarda ijara asosida harakat qildi.
Izoh (0)