“O‘zbekistonda 2021-yilning dastlabki uch oyida nikoh tuzish holatlari keskin oshdi” — Statqo‘m

2021-yilning yanvar—mart oylari holatiga respublika bo‘yicha 59 754 ta nikoh holatlari qayd etilgan. Bu haqda Davlat statistika qo‘mitasiga tayanib, “Xabar.uz” xabar berdi.

Ma’lum qilinishicha, ushbu ko‘rsatkich 2020-yilning mos davriga nisbatan 10 243 taga ko‘p. Eng ko‘p oila qurish holatlari Samarqand viloyatida (6 723 ta), eng kami esa Navoiy viloyatida (1528 ta) qayd etilgan.

Hududlar kesimida tuzilgan nikohlar soni quyidagicha ko‘rinish olgan:

• Qoraqalpog‘iston – 4 178 ta;
• Andijon – 4 434 ta;
• Buxoro – 3 894 ta;
• Jizzax – 2 388 ta;
• Qashqadaryo – 5 223 ta;
• Navoiy – 1 528 ta;
• Namangan – 4 190 ta;
• Samarqand – 6 723 ta;
• Surxondaryo – 4 893 ta;
• Sirdaryo – 1 536 ta;
• Toshkent – 5 459 ta;
• Farg‘ona – 5 900 ta;
• Xorazm – 4691 ta;
• Toshkent shahri – 4 717 ta.