28 март куни пойтахтда учинчи Тошкент халқаро марафони бўлиб ўтди. 15 та мамлакатдан қатнашган 2000 нафар спортчи марафон, ярим марафон ва экиден масофаларини югуриб ўтди. Иштирокчилар қаторида First Development Group жамоаси ҳам иштирок этди.
Бош директор Ойбек Шодиев ҳамда ҳаммуассислар — Глеб ва Марк Зингерман билан биргаликда 20 нафар ходим стартга чиқди. Ушбу кенг кўламли тадбир нимаси билан эсда қолганлиги ҳақида бугунги интервьюда гапириб берамиз.
Ойбек Шодиев, FDG бош директори
Марафонда қатнашиш ҳақидаги хабар бир зумда компаниямиз бўйлаб тарқалиб кетди ва кўплаб ходимлар бунга ўз қизиқишини билдирди. Шундай қилиб, биз 20 нафар одамдан ташкил топган жамоани тўпладик ва турли масофаларни забт этишга йўл олдик. Аслини олганда, шахсий мисолда жамоавий руҳни ривожлантириш ниҳоятда муҳим. Компаниянинг ҳаммуассиси Марк Зингерман ҳам ана шундай принципларга амал қилган ҳолда 21 километрга тенг масофани югуриб ўтди. Глеб Зингерман эса экиден жамоасига 42 километр масофани югуриб ўтиш натижасида дастак бўлди. Бу ниҳоятда рағбатлантиради ва жипслаштиради. Айтиш мумкинки, бундай фаоллик биз учун мусобақага қараганда кўпроқ тимбилдинг сингари бўлди.
Алина Красовская, FDG PR-менежери
Биз узоқ вақт тайёргарлик кўрдик. Биринчи марта Енгил атлетика федерациясига февраль ойининг охирида келган эдик ва шундан сўнг мунтазам равишда стадиондаги машғулотларга қатнашдик. Тренер бизга тўғри нафас олишни ва югуришни ўргатди ҳамда қандай кийиниш кераклигини, пойабзални қандай танлашни ва югуришдан олдин мушакларни қандай қиздиришни тушунтирди. Машғулотларга асосан ишдан кейин кечки пайт қатнашдик. Айтиш керакки, ҳаво анча совуқ эди ва атиги бир айланадан сўнг (400 метр) мушакларимиз қотиб қоларди, муздек ҳаво сабабли нафас олиш қийинлашар эди. Аммо шундай шароит ҳам бизга мақсадга эришиш учун халақит қилмади.
Алексей Осокин, тижорат кўчмас мулк бўлимининг катта менежери
Умумий йиғилиш эрталабки соат еттида, Humo Arena олдида белгиланган эди. Лекин йўллар стартдан олдин, 2 соат аввал ёпилганлиги сабабли соат бешда туришга тўғри келди. Марафон учун биз брендланган байроқларни, футболка ва кепкаларни тайёрладик. Бу ҳам кайфиятимизни янада чоғ қилди. Менда марафонга шунчаки битта ўзинг эмас, иштирокчилари бир-бирини қўллаб-қувватлаётган иноқ жамоанинг таркибида келганликнинг ҳиссиёти вужудга келди. Масофани белгиланган вақтда енгиб ўтганлик учун барча иштирокчиларга медаллар топширилди, бу жуда ҳам ёқимли эди. Айтганча, кучли ёмғир кутилмоқда, деб айтишганига қарамай, об-ҳаво ҳам жуда бизни қувонтирди.
Зарина Гилязова, компаниянинг HR мутахассиси
Тошкент марафонида иштирок этиш — эсда қоларли ва мароқли тимбилдинг бўлди десам, адашмаган бўламан. Биз кейинги йили ҳам, албатта, иштирок этамиз. FDG компаниясининг ходимлари спорт билан шуғулланишни ёқтирадиган, соғлом турмуш тарзининг тарафдорлари бўлган инсонлар. Умуман олганда, биз натижадан мамнунмиз ва ўйлаймизки, ушбу тадбирни ташкил этиш бўйича ғоя Ўзбекистондан ва яқин хорижий давлатлардан янги иштирокчиларни жалб қилган ҳолда, муваффақиятли равишда ривожланиб бораверади.Реклама ҳуқуқи асосида.Шу билан бир қаторда, тадбирга келган, лекин иштирок эта олмаган, бизнинг қўллаб-қувватлаш гуруҳимизга алоҳида, марафон иштирокчилари — Амир Ерматов, Алина Красовская, Мурод Холназаров, Алексей Осокин, Ануш Самсонова, Бауржан Амантаев, Александр Перченко, Вероника Пацуева, Элина Фахретдинова, Акмал Ахманов, Лейла Тайлакова, Шахрибону Аҳмадалиева, Абдурашид Мўминов ва Артур Низаевга миннатдорчилик билдирмоқчимиз.
Изоҳ (0)