AQSh mutaxassislari Shimoliy Koreyaning Yonbyon hududidagi yadroviy obyektlarda faollikni ro‘yxatga oldi va mamlakat plutoniyni qayta ishlash yoki shunga tayyorgarlik ko‘rishda gumon qildi. Bu haqda Vashingtonning Strategik va xalqaro tadqiqotlar markazi saytida e’lon qilingan hisobotda ma’lumot berildi.
AQSh hukumati Pxenyanning bu harakatlarini Seul va Vashington bilan qarama-qarshilikni kuchaytirish uchun o‘ylagan strategiyasining bir qismi, deb hisoblamoqda.
25-mart kuni Shimoliy Koreya ikkita ballistik raketani ishga tushirdi. Yaponiya bosh vaziri Yosixide Suga ushbu hodisani BMT Xavfsizlik kengashi rezolyutsiyasining buzilishi va mintaqaning tinchligi va xavfsizligiga tahdid deb atadi.
Eslatib o‘tamiz, 25-mart kuni Shimoliy Koreya ikkita taktik raketaning muvaffaqiyatli sinovlari haqida ma’lum qilgan. Koreyalik harbiylar xabariga ko‘ra, ikkala raketa ham KXDR sharqiy qirg‘oqlaridan 60 kilometr masofada joylashgan nishonga muvaffaqiyatli borib teggan.
KXDR Yapon dengiziga qarata ikkita ballistik raketani uchirdi. Raketa sinovlari haqida Yaponiya Mudofaa vazirligi va Janubiy Koreya harbiylari ma’lum qilgan. Bungacha esa AQSh harbiylari Pxenyan tez orada ballistik raketalar uchirishni qayta boshlashi haqida ogohlantirgan edi.
Keyinroq Shimoliy Koreya tomonidan ballistik raketalarning uchirilishi AQSh va Yaponiyaning doimiy tahdidlari oldida o‘zini himoya qilish bo‘lgani haqida aytildi.
“Yaqinda amalga oshirilgan yangi boshqariluvchi taktik raketalarning sinovdan o‘tkazilishi suveren davlatning o‘zini o‘zi himoya qilish bo‘yicha umumbashariy huquqidan foydalanishga teng harakat bo‘ldi”, — dedi qo‘mita kotibi.
Izoh (0)