Farg‘onada mast haydovchi yo‘lning qatnov qismida ketayotgan ikki nafar piyodani urib yubordi, deya xabar berdi “Daryo” muxbiri.
Ma’lum qilinishicha, 2021-yil 25-mart kuni kech soat 20:00 da Dang‘ara tumani “Nayman” mahalla fuqarolar yig‘ini hududidan o‘tgan 4N-943 Naymancha—Chumoch avtomobil yo‘lining 1-kilometrida o‘lim bilan bog‘liq yo‘l-transport hodisasi ro‘y bergan. Changhe pai rusumli avtomashinani ishonch qog‘ozi bilan boshqarib ketayotgan mast haydovchi — 1975-yilda tug‘ilgan Q.B. harakat xavfsizligini ta’minlay olmay, yo‘lning qatnov qismida ketayotgan ikki nafar piyodani urib yuborgan.
Natijada Furqat tumani Ingichka qishlog‘ida yashovchi 1984-yilda tug‘ilgan Sh.M. og‘ir tan jarohati olib shifoxonaga yotqizilgan. Ko‘rsatilgan tibbiy yordamga qaramay jabrlanuvchi shifoxonada vafot etgan.
Furqat tumani Ingichka qishlog‘ida yashovchi 1984-yilda tug‘ilgan M.O. esa yengil tan jarohati bilan shifoxonaga murojaat qilgan. Unga birinchi tibbiy yordam ko‘rsatilib, uyiga ruxsat berilgan.
Mazkur holat yuzasidan Jinoyat kodeksining tegishli moddasi bilan jinoyat ishi qo‘zg‘atilib, hozirda dastlabki tergov harakatlari olib borilmoqda.
Avvalroq Samarqandda Gentra va Cobalt ishtirokida sodir bo‘lgan YTH oqibatida ikki nafar yo‘lovchi halok bo‘lgani, Toshkentda esa Cobalt qarama-qarshi yo‘nalishdagi Lacetti’ga urilishi oqibatida ikki kishi vafot etgani xabar qilingandi.
Mavzuga doir:
- Qarshida ikki nafar piyodani urib yuborib, voqea joyidan ketib qolgan Сobalt haydovchisi 15 sutkaga qamaldi
- Samarqandda “ZIL” yuk mashinasi bilan to‘qnashgan Damas haydovchisi voqea joyida halok bo‘ldi
- Toshkentda Malibu va Lacetti ishtirokida sodir bo‘lgan YTH oqibatida bir kishi shifoxonaga yotqizildi
Izoh (0)