Samarqand viloyati Urgut tumanida sodir bo‘lgan yo‘l-transport hodisasi oqibatda ikki nafar yo‘lovchi halok bo‘ldi. Bu haqda viloyat IIB YHXB xabar berdi.
Ma’lum qilinishicha, 29-mart kuni kech soat 19:00 larda M39 Olmaota—Toshkent—Termiz xalqaro avtomobil yo‘lining Urgut tumanidan o‘tuvchi 1103-kilometrida o‘lim bilan bog‘liq yo‘l-transport hodisasi ro‘y bergan. Samarqand—Qarshi yo‘nalishi bo‘ylab harakatlanib ketayotgan Gentra avtomobili haydovchisi boshqaruvni yo‘qotib, qarama-qarshi yo‘nalishda harakatlanib kelayotgan Cobalt’ga borib urilgan.
To‘qnashuv oqibatida har ikki avtomashinaning old o‘rindig‘ida yo‘lovchi sifatida ketayotgan fuqarolar vafot etgan. Haydovchilar esa turli tan jarohatlari bilan Urgut tibbiyot birlashmasiga yotqizilgan.
Mazkur YTH yuzasidan Urgut tuman IIO FMB Tergov bo‘limi tomonidan Jinoyat kodeksining tegishli moddasi bilan jinoyat ishi qo‘zg‘atilib, hozirda surishtiruv olib borilmoqda.
Avvalroq Toshkentda Cobalt qarama-qarshi yo‘nalishdagi Lacetti’ga urilishi oqibatida ikki kishi vafot etgani to‘g‘risida xabar berilgandi.
Mavzuga doir:
- Qarshida ikki nafar piyodani urib yuborib, voqea joyidan ketib qolgan Сobalt haydovchisi 15 sutkaga qamaldi
- Samarqandda “ZIL” yuk mashinasi bilan to‘qnashgan Damas haydovchisi voqea joyida halok bo‘ldi
- Surxondaryoda haydovchining uxlab qolishi oqibatida Nexia beton devorga borib urildi. Yo‘lovchi vafot etgan
Izoh (0)